Hebre Daw 9

Hebre 9:1-5

Shawng na ga shaka ngu ai gaw kasha alat hpe shaw la ai ladaw langa hpe tsun ai re. Ga shaka ngu ai gaw galaw ra ai magam bungli / ginru ginsa ga hku ga sadi jaw hkat ai lam re.

-Nawku htung hte seng ai arawn alai: Hkristan ni hpe wa tsun ai. Nawku ai htingnu de sa jang shut hpyit ai yubak mara hpe shaw ai. Nawku htung lai ngu ai gaw hkye hkrang la ai hpe kabu gara ai daram hte sha hkumtsup ai hpe tsun ai

-Mungkan ga na chyoipra ai nta: gumlau nnga mat sai, sai shadip lu ai Hkristu a sai  hte hkye la sai hpe tsun ai re. Ndai muk gaw hkum hkrang re, mi na hkum hkrang hpe tsun ai. Ndai hpe Hkristu a ban prat e bai la na hpe tsun ai. Hkristu hte shabung dan ai.

-Madun dan ai muk:- Nsha ai. Madun dan ai muk ngu ai gaw chyoipra chyalu re. Matsun maroi ban prat:- Kabu gara shiga htum mat ai hpang na hkum hkrang ni hpe tsun ai. Ndai muk hpe Dawi sha dan sai (1 Samu 21:3-6). Chyoipra chyalu re ai Masha hpan mi naw ngam nga ai hpe Dawi hkrang shala dan ai re. Mana muk hpe sha ai gaw mi na hkum hkrang bai lu ai hpe tsun ai. Ndai madun dan ai muk gaw, mi na chyoipra chyalu re ai amyu langai mi naw nga ai lam madun mayu ai rai nga ai.

-Muk mara ai ku:- Muk hte tsabyi gaw kasha aya bai lu ai. Muk gaw hkum rai nna tsabyi gaw sai rai nga ai.

Nba grang: Gumlau wa K.K a sai lagu la ai, K.K a sai hpe shanut kau ai gumlau wa a magam bungli hpe tsun ai. Gumlau wa a sai hte K.K a sai bai garan jahka kau ai hpe nba grang ga ai ngu ai re. Hkristu a sai shang hkyen ai hpe tsun ai.

Hkristu a sai gaw Petru shi a hkra maga sumgawn hpe kabai bang shangun ai shaloi, Nga 153 lu ai hte bung ai. (Yawhan 21:11 ). De a lachyum gaw:-

1-Sumsing lamu a mungdan hpe bai hkye la ai.

5-Juu ni (hpara ni ) nkau gumlau a npu na lawt ai.

3-K.K a kasha ni mung gumlau a npu na lawt ai ngu ai lachyum masum hpe shadan shadawng dan ai re. Gumlau hkra kau ai hpun ni, dusat ni law law wa Hkristu a sai shadip hta lawt wa ai kaw lawm masai. Shaloi, gumlau hkra kau ai ni bai lawt ai, sumsing hte gumlau garan kau ai.

Nba ngu ai gaw sai hpe tsun ai. Lawai nba, hpajawng ngu ai nga ai. Nba gaw sai re. Nba grang lai yang she chyoipra ai ngu ai hkristan prat de du ai.

Karai Kasang a arai ni hpe ja sup ai, hkyehkrang la ngut ai, gumlau ni yawng hpe sat ngut, sai ladaw langa hpe tsun ai.

Ga shaka lungpa yan ngu gaw hten mat sai, (Mtt 13:20) jan kaw rawng ai sumsing lamu a mungdan gaw muk shadung bye masum hpe numsha e la nna shawawm kau ai hpe bai shadip la na hpe tsun ai.

Dawhkrawng gaw magam bungli rai nna Apu pu ai ngu ai gaw shadan ai, masha shawa man e nang kadai re hpe shadan dan ai Esaia 61 na hpe tsun ai. Lamu ga shadip bai du na hpe tsun ai. Arun a dawhkrawng apu pu ai shaloi she shawa ni hkap la ai. Hkristu du ai hte ga shaka lungpa ngu ai sumsing lamu mungdan langai mi gaw ngut mat ai hpe mu lu ai.

Ndai hpe nchye nmai gaw nre, jahtum daw na prat hpe wa tsun taw nga ai majaw ya tsun shara nnga ai ngu hpungdim da ai.