Nlu ai hta nchye ai grau yak (Mani hpa)

1. Kan jep na ndum kaw hkau soi shadu bang nna nhtang jaw ai cherry

Myen mung na jawngma shayi sha Cherry gaw, Nagoya Dakkasu kaw Dr. madang lung na du wa ai shata mi jan rai sai. Japan ga hte laika nchye ai majaw, jawng kaw nna matsun ai, shatsam ai, htet ai lam ni hpe jaw hkra nlu htai la nga ai. Du na bat gaw, jawngma ningnan ni a party hku nna htung hkring malu masha shadu na myit lawm ai ni mying hta la nga ma ai. Cherry mung n shayawm, ma-un hkau soi shadu mayu bu nga ai majaw mying jaw dat nu ai.

Hpang shani, lu sha shadu na ni hpe, jawng kaw nna tau 'Hygiene' lu sha lajang ai ni a san seng lam jep mayu ai majaw, kan sa bang na ndum kaji jaw dat ai hkrum wu ai. Htet dat ai ga hpe atsawm nchye na ai majaw, cherry gaw kan sa bang na malai, jahpawt rawt nna ma-un hkau soi shadu bang da wu ai. Shi chye na ai gaw, lu sha hygience kade nga nnga shawng jep na ngu sawn nawn kau ai rai nga lu ai.

Shi shadu ai ma-un hkau soi law ai majaw, anhte kaga myen mung na manang ni hpe mung shaga daw wu ai. Shani ka-ang du wa sai hte, dai ndum kaji hpe jawng kaw wa ap da sanu ai. Shana maga manang langai hte bai hkrum nna jawng kaw na jaw dat ai ndum a lam bai tsun hkrum ma ai. Ngai gaw jaw sai, ngai gaw n jaw shi ai nga tsun hkat yang she, cherry gaw shi galaw ai n jaw sai lam dum nna jawng rung a gawk de bai kagat wa nna wa tam yu yang ndum gaw nnga mat sai......

Anhte yawng, dai ndum kaw na mahtai hpe la nga ga ai........

2. Hostel shawng kaw tu wa ai tsing jasan kau na shaga ai laika hpe Wedding Invitation shadu nna gat mari saw

Myen mung na Master lung na asuya magam gun shayi sha Min Min mung, du ai shata 7 sha naw re. Japan language hpe shata kru lung ngut sai. Dai hpawt daw laika langai du wa ai. Dai gaw, shanhte hpe tawn da ai hostel shawng kaw tu wa ai tsing ni jasan kau na shaga ai laika rai nga ai. Invitation laika npu kaw marai lahkawng sen htu ta mahkret da ai hpe mu ai hte, 'hkungran poi shaga ai re' ngu sawn la kau wu ai. Du ai pyi nna shi ai ra hkat ma hka! ya hkungran na pyi rai sai i? nga nna kumhpa jaw na myit bang wa nu ai. Kumhpa mari na pru wa let, phone shaga wa ai, hkungran kumhpa hpa baw jaw yang kaja kun da. Ntsen ai majaw, dai laika hpe bai wa hti na tsun dat sai. Jahkring rai jang, grai gaya ai nsen hte mani let, tsing jasan kau na matu shaga ai laika re lam bai shana wa ai. Hpa naw byin na kun????????????????????

Karai Wa Lajang Ya Na Re

Shayi tsawm shingdi jan langai shi a Da-ma shabrang wa hpe nta de shaga wa nna, Kanu yan Kawa hpe myi man madun shachyen ya let shana shat ma mi jawm sha ma ai. Shat sha ngut ai hpang, Katsa ngu na wa gaw shabrang wa hpe ahtawk la nna dawdap de shaga wa nhtawm lawu na ga san ni hpe san wu ai.

 

Katsa: Ya na a shawnglam gara hku byin na myit mada hkyen lajang nga nni?

Shabrang: Ngai Chyum Hpaji ninghkring byin hkra ngu myit nga nngai.

Katsa: Ga ntsun ai myit hkrum nsam madun let, dai rai yang nan lahkawng nga na dum nta gaw gara hku...? lajang da sani..?

Shabrang: Uhm...Ngai Chyum Hpaji naw hkaja na re...Karai wa lajang ya na re ngu kam ai.

Katsa: Nan a hkungran ta chyawp gaw lajang da sani?

Shabrang: Garai n lajang da shi ai..Karai wa lajang ya na re.

Katsa: Nan kashu kasha shaprat wa yang gara hku bau maka na lam myit hkawn da sani?

shabrang: Uhmm.. nau hkum tsawng ngai tsa wa...ngai jawng naw lung na, ma hkra Karai wa lajang ya na re ngu ngai kam nga nngai..

Katsa: Mani sum rai let, sa.. sa.. shat gawk de bai wa saga.....

Shat gawk du ai shaloi, madu jan gaw shi hpe gang gayin la nna kahte san dat wu ai..

'Gara hku ta' shi yawng hkyen da sai da i?.....Dingla wa mani sum di dan nna...ndai shabrang wa gaw bungli mung nlu ai, hpa hkyen da ai lam mung nnga ai hta n ga, shi hta hpa nan nnga ai she rai lu ai....raitim  myit mada hpa gaw.., shi...ngai hpe Karai shadu nga ai.......da.....

English Version:
A young woman brings home her fiance to meet her parents. After dinner, her mother tells her father to find out about the young man.
The father invites the fiance to his study for a drink. "So what are your plans?" the father asks the young man. "I'm going to be a Bible scholar." he replies."A Bible scholar. Hmmm," the father says. "admirable, but what will you do to provide a nice house for my daughter to live in, as she's accustomed to?""I will study," the young man replies, "and God will provide for us.""And how will you buy her a beautiful engagement ring, such as she deserves?" asks the father."I will concentrate on my studies," the young man replies, "God will provide for us.""And children?" asks the father. "How will you support children?""Don't worry, sir, God will provide," replies the fiance. The conversation proceeds like this, and each time the father questions, the young idealist insists that God will provide.Later, the mother asks, "How did it go, Honey?"The father answers, "He has no job and no plans, but the good news is he thinks I'm God."

Mani hpa (Jokes)

Judaism (Yuda htung) hpe woi awn ai sara wa,
Hkalup hpung hpe woi awn ai sara wa
Kahtawlik Sasana sara wa
Evangelical hpe woi awn ai Sasana sara ndai ni zuphpawng galaw ma ai.

Kadai mung tinang hkan ai Nawku htung hta Sasana galaw ai lai hpe shada da ningmu garan hkat na zup hpawng rai malu ai.

San: Yuda htung hta Sasana gara hku galaw ai lam tsun dan marit, gara hku ta?
Htai: Aloi sha re, shangai ai hte kade nna ai matu kadoi ya ai hte gaw hpung masha majing rai sai.

San: Hkalup hpung ni gaw gara hku Sasana hpe galaw ai law?
Htai: Hkalup hpung Sasana galaw loi dik ai, hka hta dip tsing ngut jang hpung masha rai sai, nau wa n yak ai, nga ai.

San: Kahtawlik ni gaw gara hku Sasana hpe galaw nga myit ta?
Htai: Anhte ni mung aloi sha re, shaman ntsin lapri bun dat jang dai ntsin hkra ai ni yawng gaw Kahtawlik hpung masha rai nga ma ai, nga ai.

San: Evangelical ni gaw Sasana hpe gara hku galaw ai kun?
Htai: Anhte Evangelical ni gaw nanhte hpu nau ni tsun ai daram nloi ai, anhte gaw chyum laika hte kayet ra ai, kayet hkam ai ni yawng gaw evangelical hpung masha rai sai nga ma ai da. Ha ha ha....