Roma 9:1-13

Roma Daw Kaba 8 hpe sang lang ai ngu tim, 9:1-13 hkran du hkra mabyin matut taw ai majaw ndai daw matut ra ai hku re. 

9;1-2 Kasa Pawlu yawn ai, atsu atsam re ai myit nsam byin nga ai gaw, Chyoipra ai Wenyi hta e shi hkum nan sak se hkam ya ai (shi byin ai lam, hkrap ai lam hpe Chyoi pra ai Wenyi chye lawm ai, n masu ai, teng man ai hpe tsun nga ai). Dai daram nan sak se pru ra hkra Pawlu tsun nga ai lam gaw hpa rai ta?   

Kaji 3

Hkristu hte hka nna dagam dala hkrum na hpe, hkam mayu hkra rai nga nngai....Ndai chyum ga daw hpe chye na na matu gaw digit hte n karum yang nmai byin na re. Nye a amyu baw re ai, nye a hpu nau ni a matu mara, ngai hkum dai Hkristu hte hka nna dagam dala hkrum na hpe hkam mayu hkra rai nga nngai, da.

Shawng chye da mai ai chyum laika ni....

Kasa pawlu hte shi a amying ni a lachyum.

Kasa 7:58; Kasa 8-9; pawlu mying ai Kasa 13:9

Abram kaw na Abraham (N.N 12:1; 12:4; 12:10-20)

Yaku kaw na Israela (N.N 32:23-33; 35:9-15, Tara Agyi 6:25-32) Yaku jaw ai htam shi hta na htam mi jaw ai lachyum)

Yesu kaw na Kasha (Mahte 1:20-21; 3:17, Marku 9:7)

Pawlu ngu ai gaw, Shawlu ngu ai amying kaw na galai mat ai hpang, Hkristu a Kasa aya tai ai hpang she ndai Roma laika hpe ka ai re lam mu lu sai. Dai majaw, amying galai shamying la ai hpang she ya dai ni anhte hti nga ai Roma 9:3 hpe ka ai rai nga ai. Ndai kaw digit hku yu yang, Pawlu hpe gaw, 1 hkran de nna shaga ai re hpe mu lu ai. Lawu na hkrang hpe mung chye da shangun mayu ai.

Hkristu gaw 6 hkran

Dagam dala gaw 4 hkran

Pawlu ngu ai gaw 6 hkran

Shawlu ngu ai gaw 4 hkran, ndai masa gaw shara shagu kaw mu lu ai lam re.

Pawlu hku nna, nye a amyu baw re ai, hpu nau ni nga ai de, shi dagam dala hkrum mai ai (4) hkran de Hkristu hte hka nna nga ra ai, sa ra ai hpe shi mu nna tsun ai rai nga ai. Ndai kaw mu lu ai Israela gaw, 1-6 ngu ai Israela ni nrai sai. 1-2 ngu ai Israela ni hte 1-6-2 ni mahtang re ai hpe digit hku mu lu ai. Yaku jaw ai htam shi hta na htam mi hpe hpyan kau lu ra ai sha n ga, Israela hte Yuda garan ai lachyum hpe mung sawn shalawm ya ra nga ai.

Bai, shanhte gaw Israela masha rai ma ai: ngu ai hpe, Ga Shaka Ningnan prat hta Israela gaw 1-2 hku asak hkrung nna (Egutu de shang mat wa ai hte lawt wa ai lachyum dai kaw rawng nga ai). Yuda hpe hpan lahkawng hku mu lu ai. 4-2 hku nna mung mu lu ai zawn, 1-6 ngu ai Israela ni a 6 lanang nhkap ai hku nna mung mu lu ai. Chyoi pra ai Chyum Laika hta digit ni hpe hkan yu mat wa ai shaloi, Roma 8:4 hta tsun ai kasha yin la ai akyu mung, dai hpung shingkang mung, ga shaka ni mung, tara jaw ai shingran mung, daw jau ai lam mung, ga ndat ni hpe mung shanhte lu ma ai ngu ai gaw 1-2 ni hpe mahtang tsun ai hpe mu lu ai.

Dai re ai majaw, 1-2 ni a kaji gaw 1 rai nna, dai kaji ni yawng gaw 6 hku yu sa ai hpe mu lu ai. Abraham gaw 6 ni a kaji hku yu sa nna, Isak hte Dawi ni gaw 1 ni a kaji hku yu sa ai. 

Dai re majaw, (9:5) hta tsun ai: Hkristu gaw shanhte kaw na rai nga ai ngu ai hpe, Hkristu yu wa ai 6 a lam hpe tsun ai zawn, Hkristu gaw 1 re ai hpe tsun nga ai (sumsing na kaba htum ai hkawhkam). Kaji 7 hta Abraham a aru arat ni mung, yawng hte wa kashu kasha mai ngu na nrai, Isak hta mahtang, na a matu mara tai na ra ai nga ai. Ndai ga a lachyum ni gaw, Abraham a aru arat ni hta Staff ngu ai 6 hte Kasha ni ngu ai 1-2 ngu nna nga nga ai. Staff 3 ni gaw, Abraham kaw na yu ai hpe tsun nna, 1 ngu ai ni gaw Isak hta na yu ai hpe tsun nga ai. Dai rai nna, Isak gaw 1 ngu ai ni a daju hku nga ai hpe garan ginhka nna tsun nga ai. Ndai 3 hte 1 shang lawm nga ai hpe 6 ngu ai rai nga ai.

Dai majaw, 9:1-13 hta tsun ai lachyum ni yawng gaw, Kabu Gara Shiga lu la ging ai, Karai Kasang a kasha ngu ai 1-2 ni hpe tsawra myit hte tsun ai, Kasa Pawlu a shadum ga ni rai nga ai. Ndai hta Isak hte Rabehka, Esaw hte Yaku a lam hpe tsun ai gaw, myi shawng kaw na byin ai manghkang madung hpe tsun shalawm ai re. 1 gaw 2 kaw yam na, bawng dung na ngu ai gaw, nli kaja ni a prat nga yak na hpe tsun nga ai, 1 gaw 2 a shara kaw kaji kadun matsan mayan hkam nna nga ra na re hpe tsun da nga ai. Dai majaw, Hkristu a Kabu Gara Shiga du ai ten hta, dai matsan mayan hkam nga ai ni sha hkap la ai hpe mu lu ai (1 ni mayam yam nga ai hpe mu shangun sai). Hkawhkam hkaw seng ni gaw 2 ni rai nga ai hpe mung adan adawng mu sai. Ndai 1 ni mayam kaw na lawt ai hpang (Kabu Gara Shiga lu la ai hpang) mungdan hku galu kaba wa na re hpe tsun mayu nga ai.

Ndai daw lapran hta shaleng dan da ai kaw dum shangun mayu ai langai gaw, 

Israela gaw 1 hku hkrang shala nna

Yuda gaw 2 hku hkrang shala ai ngu ai re law.....