Roma 8 Jahtum

Roma 8:31-39

Kaji 31 kaw “anhte hpa tsun na ga ta? “anhte hpe hpyen ai maga de kadai wa mi nga lu na a ta”? “Hpe” ngu ai ga si hte “kadai wa mi” ngu ai ga si gaw, anhte hpe shading nna nan tsun ai ga si re. “Hpe” ngu ai gaw, tup hkrak galaw ai, galaw hkrum ai wa hpe tsun nna, “kadai wa mi” ngu ai gaw law law kaw na langai ngai hpe tsun ai re. Karai Kasang gaw langai sha nga ai re majaw, ndai ga si gaw anhte hpe tsun ai rai nga ai. Lachyum hpe ginchyum yu ga nga yang: 3 ngu ai gaw, anhte maga de 1 hku nna nga nga yang, 1-2 byin nga ai. Kadai wa mi 2 maga de naw tsap nang nga na, 2 gaw anhte a hpyen rai nga ai, ngu ai rai lu ai.

Kaji 32-33 “Lahpawt lama” ngu ai gaw, shat hta maza bang jaw da ai hpe, shat hpe nhta sha ai sha, maza hpe mahtang lata hta sha ai. 1 hte 2 (1-2) kaw na bai wa lu ai ahkang nga ai 1, mara nsawn ya ai 1, kasha bai tai lu ai 1,…. Ngu ai lu la ninglen, Karai Kasang hte anhte a hpyen rai nga ai 2 hpe lata la ai gaw, 3 jaw dat ai 3-1 hpe lahpawt lama shatai kau ai hte bung mat ai. Dai lahpawt lama gaw, Karai Kasang hpe shayawn kau ai hte mung bung nga ai. Dai hta kaga 1 hpe hkap la nna 2 hpe tsep kawp ninghkap mat wa ai ni gaw, kasha hpe sha lu la ai nre, Sali wunli bai shabran hkrum ai (Tara Agyi 21:17), dinghpring ngu ai shaman chyeju mung bai lu nga ai. Karai Kasang kaw na lu la mai ai “yawng mayawng” hpe lu la ai ni tai nga ai :32.

Kaji 34-35. hta, nambat a shamu ai digit hte, ahkyak dik ai ga si ni hpe nchye lata la yang nmai chye na na daram yak ai lahkawng lawm nga ai. Dai gaw, “si mat ai ni kaw na hkrung sharawt la ai” hte “Karai Kasang a hkra lata” ngu ai yan re. Si mat ai ni kaw na ngu ai gaw, 1 hte 2 ngu ai kaw na 2 ngu ai gaw, 4 jan up ai npu de bawng dung mat ai, mayam tai let nga ra ai, asak nrawng ai muk hpe sha ra ai prat hpe tsun ai re. Dai gaw, si mat ai shara re. Si mat ai ni kaw na hkrung sharawt la ai wa ngu nna Yesu Hkristu hpe tsun ai lam gaw, 1-2 ni a matu si hkam (sai hpaw-hkaw) na matu du sa ai hpe tsun ai re. Dai re ai majaw, Yesu Hkristu gaw, 2 de du sa ai kumla la ra ai, jahkrung sharawt la ai lam ra ai hpe tsun shaleng dan da ai lam sha re.

Lahta na lam ni yawng hpe Yesu Hkristu sha dang di ai hpe shachyen ya ai mung rai nga ai (anhte a matu mara hpyi htinglu ya ai wa, Hkristu Yesu nan rai nga ai).

Kaji 36- Raitim, zingri zingrat, sat, tsin yam tsin dam hkrum rai jang, makam kaw na, Hkristu kaw na jahka kau lu na re ngu nawn da ai hpe mung nlu hkap la ai. Tsin yam hkrum jang she hpung shingkang dan hkung ai hpe nlu hkap la ai. Tsin yam hkrum jang hprawng mat, hka mat ai makam hpe mung nlu hkap la ai.

Kaji 37-39  Myit hkut nga ai. (dai zawn nrai na re :36) ngu tsep kawp kam da sai. Hpa majaw nga yang,

“anhte hpe tsawra nga ai wa a majaw, ndai yawng hte hpe anhte grau nna hkap dang kau lu ai ni rai nga ai. kaning rai n me law, si timung prawn ti mung, lamu kasa rai timung, tawa magam rai timung; ya e nga ai arai htawm hpang e du na arai hte, hpung atsam rai timung, lahta tang na arai lawu tsang na arai hte, hpan da mada kaga hpa rai timung, anhte a madu Hkristu Yesu hta e n jahka kau lu na mi ai, ngu nna ngai myit hkut nngai” da.

Roma Daw kaba 8 ngut sai.