Roma 8 Daw Shi

Roma 8:26-27

Ndai daw kaw sadi maja let dum ra ai ga si langai mi rawng nga ai, dai gaw "Weyi" ngu ai ga si re. Daw kaba 8 ting hta Hanson ka gale da ai "Wenyi" hte "wenyi" gaw nbung hkat taw nga ai lam hpe garan dan da ai rai nga lu ai. "Wenyi" ngu ga si kaba hku hpang nna ka ai hpe gaw: Karai Kasang a "Wenyi" dai Wenyi gaw Hkristu hpe hkrung sharawt nna, dai "Wenyi rawng nga ai Hkristu gaw anhte hta rawng ai "wenyi" hpe jahkrung ya ai (Roma 8:10-11) nga ai. 

Ndai hta Karai Kasang a Wenyi ngu ai Hkristu hpe jahkrung ya ai Wenyi gaw kaba hku ka nna, dinghta hkrang pru mat ai anhte shinggyim masha a wenyi hpe gaw ga hkum kaji hte lang da ai hpe sadi nna mu ra ai, ngu ai lam re.

Dai re ai majaw, kaji 26-27 hta mu lu ai "Wenyi" gaw, Karai Kasang a Hkristu hte seng ai Wenyi re ai lam dum ra ai. Anhte gaw, gawng run gawng tsang ngu ai shut hpyit mabyin ni a majaw, anhte a 1-2 DNA hta rawng ai 1 gaw ntai nmai (nyip nywi) nga ai raitim, Hkristu gaw wunli bai bran hkra htinglu htinglai ya sai, ngu ai lam hpe shadan dan da nga ai. Ndai lam hpe atsawm sawk dinglik yu ai wa gaw, Hkristu a Wenyi hpa baw hpe ra ai, tam nga ai ngu ai lam hpe chye lu na ang nga sai. Dai chyoi pra (dinghpring) ai ni a matu mara 1 tai lu sai, 2 a arawn alai nhkan sai, Hkristu gaw htinglu ya nga ai, ngu ai hpe grau san hkra mu lu na  ga ai.

Roma 8:28-30

Ndai kaw rawng ai ga si "shakyet tawn da ai hte maren" (8:28) hte "shagrit kau ai hkrum rai ti mung" (8:20) gaw bung nga ai. Lachyum gaw, hkye hkrang la ai magam bungli garai n galaw ai aten hpe tsun mayu ai sha re. Shagrit kau hkrum ngu ai majaw, manang ni a zingri zingrat lam nga nga ai hpe mu lu ai. Sharen da ngu ai hten mat chye ai ni hte rau nga nga ai. Ndai zingri zingrat hkrum raitim, hkye hkrang la lam nsum ai.

Dai re ai majaw, "shakyet" da ai ngu ai gaw, hkye hkrang la ai aten ladaw garai n galaw shi ai ladaw langa hpe tsun nna, shaga la ai ngu ai shani du hkra re ai hpe tsun nga ai. Lachyum gaw, hkye hkrang la na matu shaga la ai nhkrum shi ai ladaw du hkra hpe "shakyet" tawn ai ngu nna tsun ai hpe mu lu ai. Kaji 29 kaw "kasha gaw kahpu kanau lanlak hta e alat ningshawng tai u ga" nga ai. Dai gaw, 1 gaw yawng hta kaba htum ai hpe tsun ai re. "Shawng na chye tawn da ai ni hpe" ngu ai gaw, 1-2, 1-6-2, 1-6, 4-2 ngu ai hta na 1 ni hpe tsun ai re. "Shi a kasha gawng shingyan hte bung na matu, shi shanhte hpe shawng nna san tawn da mu ai" gaw, 1 hpe hkye la na jau kaw na chye ai, san da ai 6 hpe Kabu Gara Shiga a matu hkawm na san da ai ni re hpe chye ai.

Kaji 30 hta gaw, shawng na san tawn da ai ni hpe, "shaga la" nga tsun ai. Shaga la gaw kaji 28 hta rawng ai shakyet tawn da ai ni hpe shaga la, 1-2 ni hpe shading tsun sai re. Dai shaga la 1-2, ngu ai ni gaw hkye hkrang la hkrum ai ni hpe tsun ai rai sai. Shaga la manu ai, 1 bai tai ai hta 2 nrawng sai ni hpe dinghpring shangun ai, shing nrai 9 shatai la ai, hpung shingkang lu shangun ai, 6 tai lu sai, kasha tai lu sai ngu ai re. N.N 7:1-6 hpe atsawm chye na da na mung ra nga ai law.

Bai matut na....