Roma Laika Daw 8 Chyum Htai. Daw Langai

Dai Wenyi nan anhte a wenyi hte hkrum nna, anhte Karai Kasang a kashu kasha ni rai nga ga ai hpe, sakse hkam ya ma ai.

Kata lam garai ntsun shaleng yang, tsun shaleng mat wa ai hta Digit ngu ai hti hkum hpe jai lang ra wa ai re majaw matsing da ya na matu hti hkum ni a nga shara hpe lawu na hku matsing da ya marit law.

1-6, 1-6-2, 1-2 gaw hpung mi. Sinna or Karai wa hpang maga or sumsing
4-2, 5 gaw hpung mi. Sinpraw or gumlau hpang maga or dinghta

Roma 8

:1 
"Hkristu Yesu hta nga ai ni a matu mara" 1 hkran de nga ai ni hpe tsun ai, shing nrai 1 hkran de na DNA rawng ai ni hpe Hkristu Yesu hta nga ai ni, ngu tsun ai. Dai ni hpe daw dan shara nnga ai da.

:2  
Hkristu Yesu hta e jahkrung ya ai Wenyi a tara gaw, (Wenyi a tara ngu ai gaw 3DNA rai nga ai). Dai 3 gaw Hkristu Yesu hta jahkrung ya ai Wenyi re ai. Madu Yesu a mi na DNA madung gaw 1 re ai. Shi hpe jahkrung ya ai Wenyi gaw 3 re ai. Dai rai yang, Hkristu yesu gaw (1+3) rai nga ai.
Raitim, anhte hpe jahkrung ya ai Wenyi gaw 1 bai rai nga ai. Dai langai gaw, anhte hta rawng ai 1-2 kaw na 1 hpe wa mahkai la nna jahkrung ya ai lam rai nga ai. Dai majaw, Hkristu hta ngu ai wenyi gaw 1 DNA re.
Matut nna, yubak a tara hta na rai ti mung, si mat ai tara hta na rai ti mung, ngu ai gaw:- 2 hkran de pra ai ni hte seng ai 4 a mungga npu nga nga ai makam hta na ni rai ti mung, shalawt la lu ai lam re da. Ndai lam hpe, kaga shara ni hta hka hpung, hka nu ngu ai ga hte mung tsun lang lang rai nga ai. Dai majaw, hka lup ai kaw na pru ai masat masa "hkalup hkam" ai lam ra wa ai rai nga ai.
Wenyi ngu ai ga a lachyum gaw, Sumsing DNA hpe tsun ai rai nga ai lam, ndai Roma laika hta shaleng dan mayu nga ai. Anhte lam langai hpe nhtang yu yu ga nga yang N.N 1:1-3 hta ka da sai Karai Kasang a Wenyi gaw hka hpung ni a ntsa e, ngu ai ga hpe dum na ga ai. De a lachyum madung gaw, ntsa de na DNA gun ai Sumsing staff ni amu gun nga ai a ntsa e Karai Kasang a Wenyi nga nga ai hpe tsun nga ai.
                                                                                                                                       (Bai matut na)

(Matsing: Matsun Maroi mungga hta chye na lu ai Chyoipra ai Chyum Laika a matsun madun ai lachyum htai ga re ai. Sara Dashi Naw Seng Htun a chyum shaleng kaw na re ai).