Jep ai tara nan shinggyim hkum shan majaw n-gun kya nna, ngu hpang ai daw kaji 3 hpe lawu na hku sang lang dan yang hkawn hkrang na grau loi na myit mada nga ai.
Jep ai tara hpan lahkawng nga ai hta nsen tsaw (T) hte tsun ai . Lachyum gaw:- atik anang jep joi ai, rim kau lu ai, gyit majaw kau lu ai ntsen nna ari jaw lu ai madang hta Jep ai re. Bai langai mi gaw, nsen nem (N) hte tsun ai Jep ai tara re. Jaw njaw bai yu yu ai, teng nteng hpe bai shagrin ai, ntsen ai nrai nhten ai mahtang rai nga ai. Dai hpang jahtum nhtoi ngu ai aten ladaw hta gaw Jep ai (T) hpan hte jep na rai nna, Hkristan ni 1-2 hpe gaw Hkristu a sai hte Jep ai (N) hte jep na hpe tsun ai.
Hkristan ni shing nrai Wenyi kaw hkan nang ai Karai wa a staff ni hpe gaw, dai jep ai tara ngu ai (N) hpe hkan nga ai i? nhkan ai i? dai hpe galaw nga ai kun? n galaw ai kun? ngu ai hpe jep ai tara (N) re. Dai hpe hkan jang hkum tsup lu sai ngu ntsun mayu ai da.
Dai majaw, Jep ai tara (N) mahtang gaw, 1-2 ni hta gawngkya ai nga ai. Hpa majaw nga yang, Karai Kasang a DNA 1 gaw, 2 ngu ai hkum shan hta rawng nga ai wenyi re ai majaw re da. 2 hta hkawm nga ai 1 ni a matu, ndai Jep ai tara (N) gaw nhkum tsup ai. Dai hpe Jep ai tara nan shinggyim hkum shan majaw n gun kya nna n shabyin lu ai gaw, ngu tsun ai re. Dai majaw, 1-2 ngu ai shinggyim hkum shan hte nga ai ni hta wa gawng kya mat ai lam shaleng da ai chyum daw rai nga ai.
Raitim Jep ai tara (N) gaw, Wenyi kaw hkan nang ai ni ngu ai 3 a matsun gun ai staff ni hta she amu byin shangun nga ai. Dai majaw, ndai daw kaji hta tsun da ai Jep ai tara hpe (T-N) hku ginhka nna mu ra ai. Ndai daw hta tsun dan taw ai Jep ai tara (N) hpe gaw, 1-6, 1-6-2, ni gaw 4-2 ni hte gayau nna nga pra ai shara kaw lang ai ginding aga ntsa e jai lang na jep joi ai sha re ai hpe mu lu ai.
Dai majaw, Jep ai tara (N) gaw HKiristan ni hpe jaw ai hkye hkrang la ai lam nre ai hpe dum chye ra ai.
Ndai Jep ai tara (N) hpe wa, Bala hte hpara mungkan hte seng ai 4-2 ni gaw, Jep ai tara (T) hte bung ai masa hku hkan shakut nna, grai tengman dum ai hku sak hkrung dan nga ma ai ngu ai lam ni hpe htawng madun dan da ai re. Karai Kasang jaw ai Jep ai tara nhkum tsup ai hpe ntsun mayu ai. Galati 2:16-21; 3:1-24; 4:4,5,21; 5:3-4, 14, 18; 6:13. Hpilipi 3:6, 9. Hebre laika kaw rawng ai Jep ai tara gaw myu mi bai rai nga ai.
8:4 bai matut na
No comments:
Post a Comment