Roma 8 Daw Masum

Roma 8:4
Karai Kasang gaw yubak a matu mara, yubak a hkum hkrang hte bung ai gawng shingyan hte, hkye hkrang la hkrum na ni shing nrai Karai Kasang a DNA 1 ngu ai gaw, yubak ngu ai hkum 2 hta shim nga ai (2-1) rai nga ai. Rai ti mung, Yesu Hkristu gaw 2-1 sa tai ai hku nrai, dai 1 gaw 2 hta rawng ai lam rai Hkristu gaw ndai masa hku nna hkum hpe dagraw nna sa pra ai re lam tsun dan nga ai. Dai majaw, Yesu Hkristu ngu ai wa gaw, kaja nan Karai Kasang a hkum nan kasha hpe shangun dat ru ai rai nna, shinggyim hkum shan hta e yubak hpe dawdan ai wa nan re ai. Shinggyim masha hta rawng nga ai 1-2 hta na 2 a DNA hpe jep (n) ya ai wa tai wa ai hpe tsun ai. Dai majaw, Yesu ngu ai wa gaw 2 hpe jep kau lu ai, rim majaw kau lu ai, gyit hkang kau lu ai Jep ai tara hpe gawn yu lu ai jep ai tara nan re ai hpe tsun nga ai.

:5-6
1 hte 2  ngu ai hkum shan hte wenyi hpe garan nna sang lang dan nga ai gaw, shinggyim hkum shan myit hkan ai ni gaw (2 hpang maga de myit nawng mat ai) majaw byin wa ai masa lam hpe tsun ai re. Wenyi hkan ai ni mahtang gaw ngu ai (1 hpang maga de na DNA rawng ai ni gaw, 1 a majaw Wenyi lam myit mat wa ai) lam hpe tsun ai re.
Ndai hpe 2 a DNA lawm ai ni gaw 2 de rai mat wa nna 1 a DNA lawm ai ni gaw 1 maga de na lam hpe myit lawm wa ai lam garan dan da ai re. (Karai hpe kam sham ai ni gaw Shi a DNA 1 rawng ai ni rai nna, Karai hpe nkam nsham ai ni gaw 1 nrawng ai 2 ni ngu mu shangun mi ai. Dai majaw, Karai wa a DNA nrawng ai ni HKristan sasana kade galaw tim Hkristan n gale wa ai ai baw re hpe grau mu shangun mi ai re). 1 ngu ai Karai Kasang shing nrai Wa a sai lawm ai ni gaw Wa a lam hpe myit lawm nna, Wa a sai nrawng ai ni gaw Wa hpang maga de n gayin wa lu ai lam shaleng dan da ai daw re. 1 gaw hkrung ai asak hku htawng madun da nna 2 hpe hten za mat chye ai hkum hkrang hte mung shabung dan da nna, 1 hpe gaw Wenyi ngu ai nhten nmat lu ai maga hku mung tsun ai gaw ndai lam a majaw re ai.
Bai matut na....