EU mungdan ni sut masa brengbru nna zang ayai na rum mahka kaw du nga sai. Grau nna mungdan ginsa Italy, Grace, Spain ni gaw EU sut a sari mun sharun ya ai zawn rai nga ai. Dai majaw, EU mungdan ni gaw makai naw hkak na a ni? (or) kadai wa woi awn la na kun ngu ga san san shara tai nga sai. Mungdan langai a shakut shaja lam gaw uphkang lam, lawt lu lam, shinggyim ahkaw ahkang hte awmdawm shanglawt sha nrai, grin ngang ai sut masa hpe jawm gaw sharawt da na mung ahkyak kaba rai nga ai lam sakse rai nga ai.
Ndai zawn EU mungdan brengbru wa ai ten, Germany gaw gawk shinggan kaw zuphpawng galaw nna ndai EU sari kaning di hkye na lam myit nga ai. Kaja wa, Germany mungdan gaw EU kata wut shadaw kata na hpri tawng zawn rai nga ai. Kaga mungdan ni yawng ga ayai mat tim, hpri gaw ngam na lam nam nyan shi hta nga nga lu ai. WW1, WWII hpe shi woi grang nna EU mungdan shangai wa na hpe mung salung sala tai hpajau hpala galaw nga ai. Lam mi hku tsun ga nga yang, Germany gaw mungkan langai hpe madu mayu ai nam nyan nyan ai grai na sai. Dai majaw Franch gumsan magam Nicolas Sarkozy gaw Germany hte Franch lama EU na pru mat yang European ngu ai gaw nsa hkoi sana re, nga ai. Ndai lam ni ma hkra mung Chyum Laika a htoi tsun da ai hte hkrak ang na lam lawu na hku hkrawk gajam yu mayu nngai.
Chyum Laika hta htoi da ai ladaw gaw, "mungkan ga nnan lat kaw nna ya du hkra n byin yu ai hte hpang de mung n byin lu na ru tsang kaba gaw, dai shaloi e byin pru na ra ai. Dai nhtoi ni hpe n shagying kau yang gaw, gade a hkum shan mung n lawt lu na ra ai; rai ti mung, lata la ai ni a matu mara, dai nhtoi ni gaw gying wa na ra ai" (Mahte 24:21-22; Daniela 12:1; Yeremia 30:7)).
Daniela hte Shingran laika gaw mungkan a jahtum daw hta hkawhkam lai lang ai mungdan ningbaw ningla ni byawng mat wa na lam ni mung law law tsun da nga ai. Dai gaw dai ni Europe hte dingdung Africa hta nyet nlu ai Democracy mahkrai htan nga masai.
Europe a sumsaw (zaw)
Europe mungdan ni gaw mungkan a sut masa panglai hta hpungla ja ai shara rai nga ai. Sut su ai hte nga pyaw ai mungdan ni ngu masat da sai. Masha a nga pra madang mung tsaw nga ai. Lai wa sai Europe majan kaba ni hta Germany gaw wut shadaw kata na hpri tawng tai lai wa yu sai. Dai ni United States of Europe ngu ai de pyi shingran hkrang soi da wu ai. Ndai hkrang hta Germany mungdan chyu sha Europe ting hpe woi awn na ja gumhpraw, hpaji hte masha atsam nga ai lam sawk dan wa masai. Ndai hku yu ai shaloi, Germany gaw Europe a salum tai nna European mungdan hpe tsa ban 21 prat lai hku up hkang mat wa na yup su sun nga ai. Dai majaw, Germany gaw kalang lang yup dam dam ai zawn, kalang lang yup su sun ai zawn ga shaga nga ai.
European mungdan hpe jum ai gaw Euro gumhpraw rai nga ai. Germany gaw Euro hpe jum da lu wu ai. De a majaw, Germany hta lai EU mungdan ni gaw Euro hkum pa nawng hta lup wa nga ai. Hkye la madu gaw Germany hta lai kaga nnga sai. Hkye la madu tai na Germany gaw United States of Europe hpe uphkang na de bai gayin du wa nga ai. Roman Empire ga garan wa ai lam mung ndai masa hte nau nshai nga ai (Shingran13:1-8; 17:8-18; Daniela2:37-45,37).
Matut sawk mayu ai ni:
1. Germany is the only country with a large enough economy and population to achieve that control ("Germany's Choice: Part 2," July 26, 2011).
2."Euro Unity? It's Germany That Matters," The New York Times, March 9, 2010).
3. The answer is Germany (John Eatwell, "Euro Vision," Sept. 5, 2011).
4.Germany's Euro Question," Sept. 10, 2011.
5.Greece Slips Further, Sept. 9-11, 2011.
No comments:
Post a Comment