Religious Tolerance ngu ai gaw ningsin kata nyau chyang rim ai hte bung nga ai. Nbung ai nawku htung law law a lapran shada da rap rap ra ra rai ngwi pyaw ai shinggyim wuhpawng gaw de la lu na gaw ndai Tolerance ngu ai ra nga ai. Hkristan Karai gaw yawng hta grau, Buddha tara she reng, Islam Al Lah she tengman, Hindu makam she hkik ngu ai gaw, shada da yu kaji hkat na nhpang sha rai nga ai. Dai zawn shada yu kaji hkat nna hpawng de nga yang tsawm htap ngwi pyaw ai shinggyim wuhpawng byin wa na a ni? Dai majaw, Sinna ga na ni a n gup n gau hta Religious Tolerance, Social Tolerance, Societal Tolerance ngu ai Tolerance amyu myu hpe tsun garu nga masai. Dai gaw, Democracy ngu ai a shingnip shingna mung rai nga ai nhten.
Tolerance ngu ai hpe kadun hku:
-Nawku htung nbung ai shada da manu shadan hkat ai hte chye na hkungga ya hkat ai lam rai nga ai.
- Nawku htung a sharin achyin lam ni hpe hkap la hkan sa ya nra ai, dawdan je yang mung ndi ging ai, jahpoi shahpyak n galaw na hte masha hpe hkungga ai zawn nawku htung hpe mung tsawra hkungga ya mai nga ai.
-Masha langai ngai hpe shi nawku ai nawku htung a majaw ginhka ginrang, jahpoi shahpyak rang rip re ai lam n galaw ging ai.
-Nawku htung langai ngai hta npawt tawn nna wuhpung ting a matu ahkaw ahkang la ai lam, kaga makam masham hpung ni nmai shang lawm hkra re ai shinggyim wuhpawng gaw de ai lam hte tinang a makam masham htung hta shamyet nna yawng hkan sa na tara jahkrat ai lam ni n galaw ging nga ai.
- Shinggyim wuhpawng hta wanglu wanglang tsun shaga hpawng de lu na matu, tinang a makam masham majaw dut dang nna nshang lawm lu ai rai yang dai gaw tsang ra ai nawku htung rai nga ai.
No comments:
Post a Comment