Sinna Hkristan Ni Majoi Yawm Wa

North America: 1990 ning ram kaw nna USA kaw HKristan ngu hkam la ai masha 87% kaw na 2001 ning hta 77% de du nga sai. 2008 ning hta 76% rai nna tsa ban 21 hta Hkristan gaw mayen maga (minority) rai wa na lam sawn tak da masai. Pew Forum on Religion & Public Life's U.S. Religious Landscape Survey hte maren nga yang, 2007 ning hta USA masha 16.1% gaw gara makam masham hpung hte mung nseng ai nga nga masai. 2030 ning ten hta American Hkristan gaw wuhpung kaji hku sha ngam nga na re nga nna sawn tawt nga ma ai.

Canada: Canada masha 20% gaw Hkristan hkam la nna nawku ayan sa ai ngu n gup aga hte tsun tim, kaja wa Nawku sa ai masha gaw 10% sha re lam Christianity has partly faded in Canada hta mu lu ai.

United Kingdom: 1950s ram kaw nna UK mungdan hta Hkristan yawm hpang wa sai. 1980 ning hta 12% sha bat shagu nawku sa ai lam jahpan lu la ma ai. 2015 ning rai yang 5% sha ngam na re nga nna sawn tawt nga ma ai. 1985 ning hkan nawku sa ai masha gaw asak (40) grup yin law tim 2010 ning hta asak (50) ning re ai ni sha nawku jawng de du ma ai. 2020 ning hkan gaw asak (66) re ai ni hpe sha nawku jawng hta mu lu na re nga sawn tawt nga ma ai. 2007 ning hta 58% gaw Hkristan hku nga ma tim, 15% sha shata mi kalang nawku jawng du lu ma ai. Karai hpe nkam ai ni 33% de du wa masai.

Europa mungdan ni: 2007 ning na jahpan hte maren nga yang, Orthodox hte Roman Catholic gaw Hkristan mung shawa rai nna: Poland kaw 76%, Ireland kaw 67%, Greece kaw 55%, Portugal kaw 47%, Italy kaw 44% rai shajang nga ma ai. Raitim, Denmark kaw gaw 9%, France kaw 14%, Hungary kaw 18%, Belgium kaw 19%, hte Germany kaw 20% nga nna Netherlands kaw gaw 21% rai nga ai.

Matut hkaja mayu yang:

1. "Report 1: Religious affiliation," Pew Forum, 2007, at: http://religions.pewforum.org/reports
2. "How many people go to Church in the UK?," Why Church, 2010, at: http://www.whychurch.org.uk/trends.php
3. Bill Weir & Sylvia Johnson, "Denmark: The happiest place on Earth," ABC News, 2007-JAN-08, at: http://abcnews.go.com/2020/story?id=4086092&page=1