Nawku Htung Gaw Sakhkrung Lai Re (Religion as a way of life)

DAW 2

 Lam

Karai Kasang gaw sakhkrung lam yawng hpe shading ya ai wa re ngu anhte hkam la ga ai (Gashagawp 3:6). Raitim, dai 'lam' ngu ai gaw anhte a myit mang ai hte mung shai nga ai (Esaia 55:9). Dai majaw, Karai Kasang hpe lam re ngu kam hpa nga ninglen, Shi a lam gaw nau wa sung dam la ai majaw anhte ni hpe ung ang shangun nga ai (Roma 11:33).

Bum ntsa na Yesu a tara hkaw ga hta, lam ngu ai lahkawng nga ai nga nna tsun sai. Dam lam gaw: gyip ai hte dam ai lam re nga ai (Mahte 7:13-14). Raitim, Yesu shi nan 'Ngai gaw lam re' nga nna mung tsun wu ai (Yawhan 14:6). Dai majaw, Yesu shi nan dai lam lahkawng a madu 'hten byak lam hte awngdang lam' ngu nna mung chye na shangun nga ai.  

Moi shawng daw na Hkristan ni gaw, shanhte a sat lawat hpe 'hkristan sak hkrung lam' ngu nna chye na shangun mi ai (Kasa 9:2; 19:9,23; 22:4; 24:14,22). Dai sak hkrung lam ni gaw, Yesu tsun ai "Lam" hte hkye hkrang la ai de hkrang ai lam hte bung ai ngu nna chye na shangun mani ai.   

Chyum Laika kaw ka da ai a shinggan myi jut hku nna, Dead Sea Scrolls kaw na mu lu ai hte maren, Qumran community ni gaw, shanhte nan 'lam' re nga ma ai. Hkalup sara Yawhan gaw ndai community kaw na re nga nna mung tsun ma ai. Dai majaw, Yawhn tara hkaw ai hta 'Lam' hte seng nna grau tsun nga ai. Tsa ban lahkawng na, Didache a Hkristan sak hkrung lam ngu ai sharin achyin lam hta, 'lam' lahkawng a lam bai tsun sharin achyin wa sai. 'Asak lam hte Si ai lam' ngu ai yan rai nga ai. Asak lam gaw, Karai Kasang hpe tsawra let htingbu htingbyen rau hku hkau kanawn mazum nna Nawku hpung a kahkyin gumdin ai hta rau nta dinghku zawn yawng hkra hku hku hkau hkau kanawn mazum nga ai lam re nga ai. Raitim, si mat ai lam gaw langai hkrai hte seng ai yubak tsin yam lam re nga ai.

Yuda Rabi prat hta gaw, Hebre ga 'kalakhah' (hkawm sa ai, shamu shamawt ai, sa ai) hte shingdaw nna bai sharin achyin wa masai.  Dai hkawm sa shamu shamawt ai lam hpe, nawku htung a tara hpe hkan ai lam re ngu bai htai la sai. Dai ten na nawku hpung a 'Tara' gaw shani shagu nhkan nmai 600 jan tawn da ma ai. Dai hpe n hprai hkra hkan ai ni gaw 'lam' ngu ai hta hkawm sa lu nna Karai Kasang ra sharawng ai lam hpe dep hkap lu ai hku sharin ya masai. Dai majaw, Hebre ga teshubah gaw myit malai ngu ai ga hpe jum magra nna, bai nhtang wa ai, yu maya sak hkrung ai kaw na Tara hpe hkan ai de bai du wa ai hpe tsun ma ai. Dai majaw, hpung hta "myit malai" ngu ai ga hpe lang taw ra nga sai. Raitim, dai tara gaw grin a ni???