Nawku Htung Gaw Sakhkrung Lai Re (Religion as a way of life)

Daw 1

Nawku htung gaw masha e myit jasat da ai, tara hpe hkan ai hte kyang lailen hte seng ai lam ni re nga ma ai. Raitim, dai hku myit ai gaw lam yit shangun nga ai. Hebre ni gaw, Nawku htung hpe sak hkrung lai re nga ma ai. Gara hku sak hkrung ai ngu ai gaw Nawku htung re.

Majoi sha-u garai nlim yang, Enuk hte Noa gaw Karai Kasang hte sak hkrung masai nga ai (N.N 5:24; 6:9). Marai langai ngai Karai Kasang hpe chye sai ngu ai gaw, shani shagu sak hkrung hkawm sa ai shaloi Shi hte  hkawm sa sai lam re. Daw jau ai, jaw jau ai, htunghkring hkan ai nawku htung lai ni hte Karai Kasang hta  sak hkrung ai ngu ntsun lu ai. (Esai 1:11-14; Amo 5:21-23). Raitim, tengman let tsawra matsan dum chye ai sat lawat hte shagrit shanem ai sakhkrung lam gaw Karai Kasang hpe myit pyaw shangun nga ai sha n ga, Shi hte hkawm sa ai lam re (Mihka 6:8). Dai majaw, Nawku htung ngu ai gaw Karai Kasang hte hku hkau ai sak hkrung lam, or Karai Kasang hte rau kanawn mazum ai lam rai nga ai. Ndai hku hkawm sa ai ni gaw, hpaji rawng nna dinghpring ai ni ngu na rai nga ai. Dai gaw Karai Kasang kaw na nan rai nga ai. Masha shagu ndai lai hku sak hkrung ra nga ai.

Raitim, tara nlang ai hku mung mai hkrung nga ai (Gashagawp 15:9). Dai gaw, Karai Kasang matsat ai sak hkrung lam re nga ai. Karai Kasang ra sharawng ai lam gaw Shi hte hkawm sa ai lam re (Tara 11:22). Shi hte hkawm sa ai ni kashawt kataw na nrai (Shkkd 17:5). Dai gaw tengman ai sak hkrung lam rai nga ai (Skkd 119:35; Gashagawp 2:8). Shi hte rau nhkawm nsa na ni gaw, si ai de byawn re ai lam hpe lata la ai sha rai nga ai (Gashagawp 14:12; 16:25). Raitm, hpaji rawng ai ni gaw matsaw ntsa de ang nga ai (Gashagawp 15:24). Kaja ai lam gara mahtang rai ta nga nna san mu, ban sa ai lam hpe mu lu na ra ai (Yeremia 6:16). Na a lam Yehowa hpe ap ya nna kam sham nga ai wa (Shkkd 37:5), Shi a lam hta hkan nang nga jang a nga na ra ai (Shkkd 128:1). Shaloi, Karai Kasang a mungga gaw lagaw a pyen din zawn na a shawng lam htoi tu san wa na rai nga ai (Skkd 119:105). Yehowa hpe ala nga ai ni chyu sha n gun lu la nna kalang zawn singkaw nnan hte pyen lung na mara ai (Esai 40:31).