Mahtai hkrak n jaw lu ai ga san ni hta, 1. Sak hkrung ai ngu ai a lachyum hpa ta? (What is the meaning of life?)
2. Karai Kasang kaja wa nga a ni? (Is there a God?)
3. Kaja dik lu sha hpan gaw hpa ta? (What is the best diet?)
4. Ndai mungkan hta lai kaga shara mi kaw sak hkrung ai lama mi naw nga na a ni? (Is there anybody out there?)
5. Mungkan hta mying dan hkung dik gaw kadai ta? (Who is the most famous person in the world?)
6. Tsawra ai ngu ai hpa ta? (What is love?)
7. Myit pyaw shangun lu ai lama mi nga a ni? (What is the secret to happiness?)
8. Shanhpraw ni gaw mungkan hta grau pyaw ma ni? (Do blonds have more fun?)
9. Na asak kade galu na nang chye nni? (How long will I live?)
Lahta na gasan ni hpe htai na mahtai nnga ai nga nna tsun ma ai. Raitim, masha nkau mi htai nna mahtai jaw shakut nga ma ai. Ndai mungkan hta lai kaga shara mi kaw sak hkrung ai lama mi naw nga na a ni? Ngu ai ga san mung, Hpungtang hpaji ninghkring ni hpe re gau saw nna hking shangun ai ga san tai wa sai. Hpungtang hpaji hte yu jahproi lu ai daram wa shata hte shata, shaning hte shaning ndau shabra nna shinggyim masha ni hpe mi mu wa, na na wa na matu, shanhte a sawk hka ja ai hpe mungkan de galoi mung ndau shabra nga ma ai.
University of California at Santa Cruz (UCSC) hte Carnegie Institution of Washington, gaw 11 ning tup, gang hkau kata shamu shamawt nga ai shagan lahkawng hpe mu ma ai. Dai hta na, ‘a red dwarf’ ngu ai Gliese 581g, hte 581c gaw lak lai nga ai. Dai lahkawng kaw sak hkrung ai hkrung kanu nga na re ngu tak sawn lu ma ai. Raitim, ndai mungkan hte bung na nbung na gaw garai nchye shi ai.
Ndai Gliese 581g gaw, ndai mungkan hta htam 3-4 daram pyi rai nga ai. Lung rawk lung ma ni law nna graviy mung nga nhtawm, nbung hte hka ni mung mai nga ai lam sawn lu ma ai.
Gang hkau kata hta shagan ni 500 hpe yu ai shaloi, law malawng gaw gas rawng nga ai. Grau nna Jupiter zawn re ai ni gaw gas atawng apa nan rai nga ai ngu mu ma ai. Hpung tang hpaji madang tsaw wa ai hta hkan nna, asak hkrung ai lama ma nga mai ai shagan ni hpe tam ai hta mung, grau tang du nna kaja wa mu tam na re hpe kam nga ma ai. Ndai ten hta shagan 500 ram hpe sha naw sagawn nga ai. Gang hkau kata shagan wan tsa lam shadang nga nga ai re majaw, langai nrai yang langai gaw mu na re nga nna myit mada nga ma ai rai…
Matut hkaja mayu ai ni:
- 'Lightest' exoplanet discovered 21 APRIL 2009, SCI/TECH
- Planet-hunters set for big bounty 17 FEBRUARY 2008, SCI/TECH
- New 'super-Earth' found in space 25 APRIL 2007, SCI/TECH
No comments:
Post a Comment