Kadai Mung Nchye Na Kau Dat Ai Hkristu

Daw 3

Karai Kasang mungdan a lam kabu gara shi ga ngai hkaw na nngai (Luka 4:43)

Hkalup sara Yawhan htawng kaw shingdang da hkrum ai ten hta, Yesu gaw Galile ginwang hkan kabu gara shi ga hkaw hkawm nga ai. Shi hkaw ai mungga gaw, “Karai Kasang a mungdan gaw ni wa magang ra ai: myit malai lu nna, dai kabu gara shiga hpe kam sham nga mu” nga ai rai lu ai (Marku 1:15). Ndai gaw, Yesu a sasana ga baw, ‘Karai Kasang mungdan a lam’ hte seng nga lu ai. Daniela a myihtoi ga, ‘dai mungga gaw dik wa ra ai’ nga ai hte mung shingdaw nna hkaw tsun nga ai (Daniela 9:24-25).

Shawng daw na ga baw ni hta, Meshia du sa ai lam hte seng nna, hkam la shai ai lam tsun saga ai. Yesu a sape ni nan pyi jaw hkra shi hpe n yu mu masai. Hkristu a lam hpe shut ai hku hkam la ai law law wa anhte a grup yin e nga nga ai. Nawku hpung law law, Yesu a yaw shada ai amu hte shai ai hku de da ai hpung law law nga ai. Ga shaka dingsa hta mung, Karai Kasang a mundan hte seng nna, shai ai ningmu ni law law hpe hti hkrup na ga ai. Ndai yawng hpe gumhpawn nna, Yesu bai sharin hkaw tsun ai lam hta chye na hkam la nbung ai lam ni mung byin pru nga ai. 

Yuda ni a hkawhkam

Yesu hpe tara jeyang ai hkinjawng agyi wa gaw, “A lu ai Wa a kasha, ngu ai Hkristu gaw, nang rai nga nni” ngu wu yang, “Ngai rai nga nngai” ngu Yesu htan wu ai (Marku 14: 6162). Shaloi, hkinjawng agyi wa gaw, “Shi si ging ai wa rai nga ai” ngu nna shanhte mayen mahtaw bun let myi man hpe magap kau ya nhtawm, shi hpe lata katsing du hpang manu ai (kaji 64-65). Kaning di sat kau lu na hpe mung jawm myit nga ma sai. (Luka 23:2). Shanhte tsun ai, “Anhte hkawhkam nlu ga ai, caesar sha lu ga ai " nga ma ai. (Yawhan 19:14-15). Kaja wa shi gaw Meshia rai nga ai, Karai Kasang e shangun dat ai wa rai nga ai, hkawhkam mung shi rai nga ai. Raitim, Yesu tsun nga ai hkawhkam mungadan lam gaw, Karai Kasang hte seng ai mungdan lam rai nna, ndai mungkan ga na Israela mungdan lam nlawm lu ai.

Pilat wa mung ndai lam myit lawm da wu ai. Dai majaw, Yesu hpe ading tawk san yu wu yang, “Nye a mungdan gaw ndai mungkan ga na nrai li ai; nye a mungdan ndai mungkan ga na re ai rai yang gaw, ngai Yuda masha ni a lata de n shang hkra, nye a ali ama ni gasat na ma sai” ngu htan wu ai (Yawhan 18:36). Rai yang gaw, “nang hkawhkam rai ni” Yesu htan let, “Nang tsun ai the maren ngai hkawhkam teng nga nngai” (Kaji 37). Tengman ai hpe sakse hkam na matu, ndai mungkan e shangai wa ni ai, ngu wu ai.

Pilat myit ai gaw, Yesu a marang e shi a mungdan kabring kabrawng nbyin lu na re shi myit wu ai. Raitim, hpang jahtum, hkawhkam re ngu ai ga a majaw, Yesu gaw tara jeyang ai hkrum sana teng rai nga ai (Yawhan 19:12). Yuda ni a hkawhkam ngu ai ga hpe, Pilat wa nchye na tim, shi a na hta kadu rawng nga salu ai. De a majaw, Yesu hpe jen da sai wudang hta, “Yuda ni a hkawhkam” ngu ka da na ginjang byin wa sai rai (Yawhan 19:22).

Mungdan ngu ai gaw, up hkang ai hkringmang daju ni law law ra ai hta n ga, lamu ga jarit masat nna up hkang ai ginra mungdan rai ra nga ai. Yesu gaw ndai ni yawng a hkawhkam re ngu ai lam gaw mau hpa byin nga ai. Yesu hkaw tsun dan ai mungdan hta gaw shi nan up hkang ai wa rai na re nga ai (Shingran 11:15). Yawng gaw Karai Kasang a tara hte up nga na lam rai nga ai (Esaia 2:2-4). Lamu ga jarit, mungdaw lamu ga, mungkan ting rai na rai nga ai (Daniela 7:14). Dai majaw, Karai Kasang a mungdan ngu ai gaw, mungkan ting hta de da na mungdan tai wa sai.

Esaia a myihtoi ga hta Dawi a tingnyang kaw nna, mungkan ting hpe dinghpring ai tara hte up nga na ngu ai mungga hte mung nshai nga lu ai (Esaia 9:6-7). Raitim, Yesu a mungdan ndai gaw nhpring tsup wa shi nga ai. Dai majaw, shi gaw ‘Karai Kasang a mungdan du magang ra ai, myit malai nna dai kabu gara shiga hpe hkap la mu’ ngu nna, shia sasana hpe shachyen hpang wa sanu ai. Ndai Esaia a myihtoi ga dik wa lu na matu gaw, Yesu bai du sa ai aten hta hkum tsup wa lu na hpe myit mada nga ga ai (Esaia 2:3-4). Dai nhtoi du jang masha law law wa tara dara ai hkrum nna, nkau mi jeyang ai hkrum na lam myit mada kam sham da saga ai.

Karai Kasang a Mungdan ngai de na nngai

Tsan lun bum hta paw pru ai myihtoi law law a shingran ga ni hta, Karai a mungdan gaw lamik kumla zawn du wa na nga nna htoi da tim, Yesu a lamik kum la hte hkaw tsun ai gaw, Karai Kasang a mungdan kalang ta hprawt rai du wa ai baw nre lam sakse hkam hkawm nga ai.

Ga ntsa e nli gat dat nna tu wa ai zawn (Marku 4:26); chyinghkrang tum zawn (kaji 30-32); matsi zawn  bung re ai lam tsun wu ai (Mahte 13:33). Ndai ga shadawn ni hpe kadai mung nchye na nga ma ai. Karai Kasang a mungdan gaw kalang ta du wa ai baw nre sha, gau ngwi sha byin wa na lam tsun nga ai. Marku 1: 15 hta Yawhan ndau shana ai gaw, “Karai Kasang a mungdan gaw ni wa magang ra ai: myit malai nna dai kabu gara shiga hpe kam sham nga mu” nga ndau dan ai hte mung hkrak rai nga ai.

Raitim, Yesu bai tsun ai hta, “Karai Kasang a Wenyi hte nat ni hpe ngai shaden kau ma we ai rai yang gaw, Karai Kasang a mungdan nanhte kaw du sai rai nga ai” mung tsun wu ai (Mahte 12:28; Luka 11:20). Karai Kasang a mungdan gaw nang e du ra ai, nga nna nat ni hpe shi shaden kau wu ai. Da ni na nawku hpung nkau ni hta Yesu zawn, nat ni hpe shaden kau lu ai amu ni law law mu lu na ga ai (Yawhan 14:12). Karai Kasang a mungdan gaw, dai Chyoipra ai Wenyi hte nat ni hpe dang kau ga yang, anhte a ka-ang e dai du sai rai nga ai.

Satan gaw teng sha nga nga ai. Lama wa Satan hpe gasat kau lu nna awng padang ninglaw yang, dai gaw Karai Kasang a mungdan de lu ai lam rai nga ai (Yawhan 16:11). Satan hpe shingdang kau lu ra nga ai (Marku 3:27). Yesu gaw, Satan up ai mungkan hpe dang kau nu ai (Yawhan 16:33), dai gaw Karai Kasang a Wenyi shi a ntsa e shanu nga ai majaw rai nga ai (I Yawhan 5:4). Kadai mung galaw lu ai amu rai nga ai. Raitim, marai hkum shagu ndi lu ga ai nhten. Satan gaw , ndai mungkan e shara law law hta shi naw up nga ai (Mahte 13:24-30, 36-43, 47-50; 24:45-51; 25:1-12, 14-30).