Htenza Mat Sai An a Sakse

Tsaw e..., an le i..
Mali zup ginra, lungrawk ntsa
katsi ai hkasan hkanu kata, an a marun shingna hpe
yu chyai let, sumtsaw ga tsun sai i....

Dai ten hta,
hpraw tsawm samwi hte, u numji pyen gashai
Mali zup Ginra ndai, an a sakse tai sai i..

Ya chyawm gaw le...
Brang she sadi n dung ai kun?
Tsaw nang malap kau ai kun?
Mali zup she yawn shalu mat ai kun?
Masum kam maka mung n rum,
Myiprwi hte yawn jahtum ra mat sai....
htenza mat sai sakse wa i.....

myibong(15.6.2010)

Anhte ginra hta myiprwi pru nga ai lam gaw....yupmang n re...
shingran mung n rai nga ai ...manang ni..

Myi Prwi

Wan panglai ngai rap na
hkaraw nhkap mung rai u ga...
matsan ai jamjau
si ai hkin gau
gung rawng ai lu sha
ndan pala rai tim,
nye salum hpe n waw lu na re...

Raitim,
shingyaw myiman ntsa
ngai hpe azi mada ai
na myiprwi hka shi
ngai, rap di lu na nrai sai.....

z.mungseng3@gmail.com
(5.2.2010)