DAW VIII
Mahte 5:10 Dingman lam hta zingri hkrum ai ni, sumsing mungdan gaw shanhte a matu re.
(IPetru 3:14; Luka 6:22)
Dinghpring ai lam hta hkawm nga ninglen zingri zingret hkrum ai ni, sumsing mungdan gaw shanhte a matu re. Roma laika ting hta kasa Pawlu ka da ai gaw, ndai mungkan hta dinghpring ai masha langai mi mung nnga ai (Roma 3:10)nga ai. Dinghpring ai kaw du lu na matu Hkristu gaw kam sham ai ni yawng a matu mara rai nga ai (Roma 10:4).
Dinghpring ai wa ngu tsun lu na gaw Yesu Hkristu shi chyu sha rai nga ai (Esaia 60:1-3). Dai majaw, Yesu Hkristu a marang e zingri zingret hkrum ai ni gaw, sumsing mungdan lajang da ya sai. Yesu a lam gaw dinghpring lam rai nga ai. Raitim, dinghpring lam a matu kadai si hkam gwi a ta? kaga lam langai ngai a marang e chyawm gaw si hkam gwi na nga na nhten, nga nna mung ka da nga ai.
Dai rai yang, Yesu tsun mayu ai dinghpring lam gaw ndai mungkan ga na lam he kade wa ni htep na rai a ni? Nrai law, Karai Kasang a lam hta si gwi na, zingri hkam gwi na hpe sha she tsun nga ai. Hpa majaw nga yang, Karai Kasang sha dinghpring ai wa rai nga ai. Lam mi hku bai mu lu na ga ai. Yesu shi nan zingri zingret ai hte jahtum dat ai lam gaw sumsing mungdan lam a matu sakse madun da sai rai nga ai.
Masha nkau mi ndai mungkan na masha e masat da ai tara a dinghpring lam hpe mung gang bang tsun ma ai. Chyum laika a madun da ai lam gaw dai hku nrai; tengman ai Karai Kasang a lam hta zingri hkrum ai ni; Karai Kasang a lam hpe hpang gara nna hkan tam ai a marang e hkrum ai lam rai nga ai. Yesu hkristu shi nan mung, Kawa Karai Kasang a marang e sha zingri hkrum ai, sat kau hkrum ai rai nga ai. Dai majaw, dinghpring lam ngu ai Karai Kasang a marang e nang zingri zingret hkrum n yang gaw, teng teng sumsing mungdan gaw na a matu lajang da ya sai hpe asan sha chye la lu na ga ai.Ndai mungkan hta masha shagu nbung ai. Dinghpring dum ai ni mung nga ai. Nding nhpring dum ai ni mung nga ai. Dinghpring dum tim, Karai Kasang a lam, dai tengman ai mungga lam, Yesu a matsun da ai sak hkrung lam hpe hkan nna zingri hkrum n yang gaw kabu hpa lam langai rai na rai nga ai.
Ndai chyum ga daw hta myit shachyaw yu na lam ni nga ai. Karai Kasang a lam, Yesu Hkristu a ntsa sak hkrung hkawm sa nga sai ngu tim, tengman ai mungga lam nhkan a yang gaw shut ai lam byin wa lu ai. Ga shadawn: Tengman ai Karai Kasang hpe nawku daw jau nga ai she re ngu nna, aten ntam shara n jahtuk ai chyeju shakawn mahkawn marawn garu gachyi lam a majaw, seng ang ai mung gyi ni e shaga jep nna sharen da ai hkrum yang dai gaw dinghpring ai lam hte tengman ai lam a jaw e she re ngu ntsun lu ai.
Tengman dinghpring lam gaw Karai Kasang a yaw shada ai amu magam galaw ai majaw rai nga ai. Hpan da ai amu hta shang lawm ai majaw rai nga ai. Karai Kasang ra sharawng ai lam hpe hkaw tsun shadum jahprang hkawm ai a marang e rai nga ai. Shi a sakse hkam ai hte shadum jahprang ai hpe nra ai ni chyu sha zingri zingret ai amu hpe shachyen na rai nga ma ai. Karai Kasang a dinghpring ai amu gaw, kamsham ai hte sha chye lu ai. Chyoipra ai Wenyi a lam madun ai lu la ra ai. Kaja wa tsun ra ai shara kaw tsun ndau dan ra ai. Marai langai ngai, wuhpung langai ngai Karai Kasang hpang de myit malai kayin wa na lam hta shakut shaja ra ai lam ni lawm nga ai.
Jahtum hku nna, Karai Kasang a man e dinghpring ai ngu ai gaw mungkan ga a maga mi she rai nga ai. Mungkan ga e dinghpring ai lam mung, Karai Kasang maga hku nna gaw jut mi hku sha rai nga ai. Kaja dik ai sharin la lam gaw, Yesu Hkristu shi nan, Kawa Karai Kasang a shangun dat ai amu (tengman dinghpring lam) gaw anhte a matu sharin la na loi dik ai lam rai nga ai. De a majaw mung, moi na myihtoi ni langai hpang langai, kasa ni langai hpang langai zingri zingret ai hte sha a hkrum lai wa nga ma sai. Raitim dai lam ma hkra gaw sumsing mungdan a lam rai nga ai law......
Thursday, 22 January 2009
Sunday, 18 January 2009
Bum Ntsa Kaw Nna Hkaw Ai Tara (VII)
Mahte 5:9 Shangwi Shapyaw Chye Ai Ni hpe Karai Kasang a Kasha ni Ngu ai Hkrum na.
Ndai chyum ga a ga madung hpe English chyum laika hta the Peacemakers ngu nna lang da ai hpe mu lu na ga ai, jinghpaw hku gaw ngwi pyaw lam a madu ngu nna bai shaleng mayu nngai. Yuda ni maga hku nna gaw, 'ngwi pyaw madu' ngu ai hta grau sung ai ga Shalom ngu nna tsun lang ma ai. Shalom a lachyum gaw simsa ai peace, ga li ga law byin ai conflict ngu ai ga mung, grau nna sung dam ai hku shanglawm nga ai. Ga Shaka Dingsa hta Shalom ngu ai ga gaw, well-being, materially and physically, of an individual or a nation, sak hkrung ai lam yawng hte hte mu mada lu ai arai ma hkra sha nrai, shinggyim marai hkum shagu hte amyu ting rau mung seng ai ngu mayu nga ai. Dai majaw, ngai gaw ngwi pyaw madu, ngwi pyaw ai hpe pawn da ai ni, mahkyu da lu ai ni, ngu tsun mayu ai.
Karai Kasang a shaman chyeju kumhpa hpe hti yu nna, shinggyim masha ni a ntsa jaw ya ai chyeju kumhpa ni hte mung seng nga ai. Dai majaw, Karai Kasang hpe kam sham ai maga hku yu yang lawu na hku mu lu nga ai.
The Source of Peace is God! Simsa lam a daju Karai wa,
The Opponent of Peace is sin! NSim nsa lam a daju gaw yu bak mara
The Dispenser of Peace is the Christian! Simsa lam hpe garan ya lu ai gaw Hkristan
The Payoff of Peace is Godliness! Karai nsam dagraw ai ni gaw simsa lam a madu (ngwi pyaw madu) ni re.
"Nang ngai hpe shangun dat ndai gaw, mungkan ga na ni kam sham lu mu ga, dai ni nlang hte gaw langai sha tai nna Wa e,nang ngai hta nga nga nna,ngai mung nang hta nga nga nngai zawn, dai ni nlang hte gaw, an hta nga nga na matu, ngai hpyi nga nngai. An gaw langai sha rai nga ga ai zawn, ngai gaw shanhte hta nga nga nna, nang mung ngai hta nga nga ai a marang e, shanhte langai sha tai wa nna, langai sha hta hkum tsup wa lu na matu mung, nang ngai hpe tsaw ra ndai zawn, shanhte hpe mung tsaw ra nga ndai gaw, mungkan masha ni chye lu na matu mung, nang ngai e jaw ai hpungshingkang hpe, ngai shanhte hpe jaw da mase ai" (Yawhan 17:21-23).
Nhkru ai hpe koi kau nhtawm, kaja ai galaw nga u ga, ngwi pyaw ai hpe tam nna, hkan sa nga u ga. Dai Madu a myi dinghpring ai ni hpe a yu nga ai rai nna, shanhte a hpyi ai ga hpe shi a na hta madat nga ai. Dai madu a myi man gaw nhkru ai ni a myi man hpe matsing nga ai(IPetru 3:11-12).
N kaja ai a majaw, n kaja ai hku kadai hpe mung hkum tai mu. Masha yawng mayawng a man e, htap htuk ai ningli madun na, myityu nga mu. Nanhte rai lu myit dai daram, masha nlang hte hte myit hkrum nna hkau chyap nga mu (Roma 12:18).
Simsa lam ngu ai gaw, Karai Kasang a amu hta myi man pa ai lam langai rai nga ai. Raitim, asuya langai hte langai a lapran, jinghku langai hte langai a lapran, masha langai hte langai a lapran htingram ya ai simsa lam hpe, ndai hta ngai tsun shalawm mayu nngai law. Dai hta grau ai gaw, dai Madu hta nga nga nna kam sham ai kaga ni hte myit mang hkrum nga lu ai gaw, Yesu a myit mada da ai Karai Kasang hte shi a matut mahkai ga shaka kata hta shang lawm sai lam rai nga ai. Dai majaw, Madu gaw "ngwi pyaw du Madu" ngu nna shagawp tsun da nga ai. Ndai chyum ga daw gaw, madung hku nna, 'ngwi pyaw lam shabyin ai ni gaw Karai Kasang a kasha ni, ngu ai hpe Yesu Hkristu shi nan Yawhan kaw tsun da sai hte maren, Kawa hte shan a mahkyit mahkai ai amu hta anhte mung rau myit hkrum lawm saga ai majaw, anhte mung Karai Kasang a kasha ni ngu ai hpe hkam la na rai nga ga ai.
Yesu hta myit mang kraw lawang ma hkra hte kam sham myit hkrum lawm ai ni gaw, Yesu hkam la ai amu ni zawn, Karai Kasang kaw na ma hkra hkam la na lam rai nga ai, ngu ai hpe myit hkawn la gring nga ga ai nrai ni......Kam sham nna hkan nang ai ni gaw Karai Kasang a kasha ni ngu ai hkrum na ga ai rai....
Ndai chyum ga a ga madung hpe English chyum laika hta the Peacemakers ngu nna lang da ai hpe mu lu na ga ai, jinghpaw hku gaw ngwi pyaw lam a madu ngu nna bai shaleng mayu nngai. Yuda ni maga hku nna gaw, 'ngwi pyaw madu' ngu ai hta grau sung ai ga Shalom ngu nna tsun lang ma ai. Shalom a lachyum gaw simsa ai peace, ga li ga law byin ai conflict ngu ai ga mung, grau nna sung dam ai hku shanglawm nga ai. Ga Shaka Dingsa hta Shalom ngu ai ga gaw, well-being, materially and physically, of an individual or a nation, sak hkrung ai lam yawng hte hte mu mada lu ai arai ma hkra sha nrai, shinggyim marai hkum shagu hte amyu ting rau mung seng ai ngu mayu nga ai. Dai majaw, ngai gaw ngwi pyaw madu, ngwi pyaw ai hpe pawn da ai ni, mahkyu da lu ai ni, ngu tsun mayu ai.
Karai Kasang a shaman chyeju kumhpa hpe hti yu nna, shinggyim masha ni a ntsa jaw ya ai chyeju kumhpa ni hte mung seng nga ai. Dai majaw, Karai Kasang hpe kam sham ai maga hku yu yang lawu na hku mu lu nga ai.
The Source of Peace is God! Simsa lam a daju Karai wa,
The Opponent of Peace is sin! NSim nsa lam a daju gaw yu bak mara
The Dispenser of Peace is the Christian! Simsa lam hpe garan ya lu ai gaw Hkristan
The Payoff of Peace is Godliness! Karai nsam dagraw ai ni gaw simsa lam a madu (ngwi pyaw madu) ni re.
"Nang ngai hpe shangun dat ndai gaw, mungkan ga na ni kam sham lu mu ga, dai ni nlang hte gaw langai sha tai nna Wa e,nang ngai hta nga nga nna,ngai mung nang hta nga nga nngai zawn, dai ni nlang hte gaw, an hta nga nga na matu, ngai hpyi nga nngai. An gaw langai sha rai nga ga ai zawn, ngai gaw shanhte hta nga nga nna, nang mung ngai hta nga nga ai a marang e, shanhte langai sha tai wa nna, langai sha hta hkum tsup wa lu na matu mung, nang ngai hpe tsaw ra ndai zawn, shanhte hpe mung tsaw ra nga ndai gaw, mungkan masha ni chye lu na matu mung, nang ngai e jaw ai hpungshingkang hpe, ngai shanhte hpe jaw da mase ai" (Yawhan 17:21-23).
Nhkru ai hpe koi kau nhtawm, kaja ai galaw nga u ga, ngwi pyaw ai hpe tam nna, hkan sa nga u ga. Dai Madu a myi dinghpring ai ni hpe a yu nga ai rai nna, shanhte a hpyi ai ga hpe shi a na hta madat nga ai. Dai madu a myi man gaw nhkru ai ni a myi man hpe matsing nga ai(IPetru 3:11-12).
N kaja ai a majaw, n kaja ai hku kadai hpe mung hkum tai mu. Masha yawng mayawng a man e, htap htuk ai ningli madun na, myityu nga mu. Nanhte rai lu myit dai daram, masha nlang hte hte myit hkrum nna hkau chyap nga mu (Roma 12:18).
Simsa lam ngu ai gaw, Karai Kasang a amu hta myi man pa ai lam langai rai nga ai. Raitim, asuya langai hte langai a lapran, jinghku langai hte langai a lapran, masha langai hte langai a lapran htingram ya ai simsa lam hpe, ndai hta ngai tsun shalawm mayu nngai law. Dai hta grau ai gaw, dai Madu hta nga nga nna kam sham ai kaga ni hte myit mang hkrum nga lu ai gaw, Yesu a myit mada da ai Karai Kasang hte shi a matut mahkai ga shaka kata hta shang lawm sai lam rai nga ai. Dai majaw, Madu gaw "ngwi pyaw du Madu" ngu nna shagawp tsun da nga ai. Ndai chyum ga daw gaw, madung hku nna, 'ngwi pyaw lam shabyin ai ni gaw Karai Kasang a kasha ni, ngu ai hpe Yesu Hkristu shi nan Yawhan kaw tsun da sai hte maren, Kawa hte shan a mahkyit mahkai ai amu hta anhte mung rau myit hkrum lawm saga ai majaw, anhte mung Karai Kasang a kasha ni ngu ai hpe hkam la na rai nga ga ai.
Yesu hta myit mang kraw lawang ma hkra hte kam sham myit hkrum lawm ai ni gaw, Yesu hkam la ai amu ni zawn, Karai Kasang kaw na ma hkra hkam la na lam rai nga ai, ngu ai hpe myit hkawn la gring nga ga ai nrai ni......Kam sham nna hkan nang ai ni gaw Karai Kasang a kasha ni ngu ai hkrum na ga ai rai....
Wednesday, 14 January 2009
2100 Ning a Matu Hpungtang Hpaji Mu Jut Langai
January 10, 2009 hta ndau shabra dat ai Washington Dakkasu hte Hpungtang hpaji sawk tam hpung gaw, 2100 ning du yang ndai mungkan hta lu sha manghkang lamu shagrim htim ai zawn yak wa na re lam sawk tam mu da masai. Dai lu sha manghkang gaw tropics hte subtropics mayan mungdan ni, matsan nna masha jahpan law ai mungdan ni hta grau hkam sha ra na re nga ma ai.
Dai ni aten ndai mungkan hta masha htam 5 na 3 gaw hkum hkrang hta ra ai daram malu masha nlu sha ai ten du taw sai. 2007 ning hta Nobel kumhpa shagrau hkrum hkra hkaja da ai mabyin ni hte hpawn, mungkan ndai a kahtet madang lani hte lani galai shai wa ai lam hpe 23 ning tup sawk sagawn ka matsing da ai (data) a ntsa shamyet nna tsun da ai rai nga malu ai. Franch 2003, Ukrain 1972 hkan byin lai wa sai kahtet madang a majaw hkai nmai lu sha pru madang yawm mat ai lam ni hpe yu nna mung, mungkan gaw kahtet madang tsaw wa magang hkai nmai lu sha pru madang yawm wa magang rai na kumla ni sawk shapraw la lu ma ai.
Raitim, sinna Uropa hte katsi ai mungdan ni gaw dai daram hkrit tsang na lam gaw nnga ai nga ma ai. Dai hta ndai prat hta lu sha gaw tinang a mungdan e pru ai hpe sha shamyet shanat nna nga ai nre majaw, mungkan chyen mi de hkra jang yawng de ahtu hkra wa na lam nga ai. Mungkan gaw hku hku ai madang de du wa na tengsha re nga ma ai. Dai majaw anhte yawng gaw hkai lu hkai sha ai lailen ladat ni hpe bai nhtang sawn yu ra ai ten du sai. Nkau mi hkai sha ai kaw na tam sha ai de yawng mat wa sai, tam sha ai kaw na mari sha ai de, dai kaw nna lu sha aloi mai lu ai de bu htawt ai zawn re ai gaw law she law wa sai majaw, hkai sha na lamu ga lu mai ai shara kaw nga ai ni gaw lu sha shim lam grau lu na re nga ma ai.
Mungkan masha wan 3 jan gaw ndai lu sha yak hkak wa na mungdan ni kaw nga nga ai. Dai masha ni hta masha mung grau law wa na lam ni nga ai. Hpa majaw nga yang mayat maya madang grau tsaw ma ai, nga ai.
Lawu na sumla gaw lu sha yak hkak wa na mungdan ni hpe madun ai hkrang rai nga ai. Kahtet ai mungdan tropics ni hta nga ai ni a matu ya kaw nna tsang shara nga nga sai kun? ngu ai hpe mungdan hte amyu hpe tsaw ai zawn, kashu kasha shu mashi shu masha du hkra hpe tsaw yang gaw, sawn da ra sai nrai na a ni? ngu yup rawt dingsi jau jau dum dat sai le yaw..
Dai ni aten ndai mungkan hta masha htam 5 na 3 gaw hkum hkrang hta ra ai daram malu masha nlu sha ai ten du taw sai. 2007 ning hta Nobel kumhpa shagrau hkrum hkra hkaja da ai mabyin ni hte hpawn, mungkan ndai a kahtet madang lani hte lani galai shai wa ai lam hpe 23 ning tup sawk sagawn ka matsing da ai (data) a ntsa shamyet nna tsun da ai rai nga malu ai. Franch 2003, Ukrain 1972 hkan byin lai wa sai kahtet madang a majaw hkai nmai lu sha pru madang yawm mat ai lam ni hpe yu nna mung, mungkan gaw kahtet madang tsaw wa magang hkai nmai lu sha pru madang yawm wa magang rai na kumla ni sawk shapraw la lu ma ai.
Raitim, sinna Uropa hte katsi ai mungdan ni gaw dai daram hkrit tsang na lam gaw nnga ai nga ma ai. Dai hta ndai prat hta lu sha gaw tinang a mungdan e pru ai hpe sha shamyet shanat nna nga ai nre majaw, mungkan chyen mi de hkra jang yawng de ahtu hkra wa na lam nga ai. Mungkan gaw hku hku ai madang de du wa na tengsha re nga ma ai. Dai majaw anhte yawng gaw hkai lu hkai sha ai lailen ladat ni hpe bai nhtang sawn yu ra ai ten du sai. Nkau mi hkai sha ai kaw na tam sha ai de yawng mat wa sai, tam sha ai kaw na mari sha ai de, dai kaw nna lu sha aloi mai lu ai de bu htawt ai zawn re ai gaw law she law wa sai majaw, hkai sha na lamu ga lu mai ai shara kaw nga ai ni gaw lu sha shim lam grau lu na re nga ma ai.
Mungkan masha wan 3 jan gaw ndai lu sha yak hkak wa na mungdan ni kaw nga nga ai. Dai masha ni hta masha mung grau law wa na lam ni nga ai. Hpa majaw nga yang mayat maya madang grau tsaw ma ai, nga ai.
Lawu na sumla gaw lu sha yak hkak wa na mungdan ni hpe madun ai hkrang rai nga ai. Kahtet ai mungdan tropics ni hta nga ai ni a matu ya kaw nna tsang shara nga nga sai kun? ngu ai hpe mungdan hte amyu hpe tsaw ai zawn, kashu kasha shu mashi shu masha du hkra hpe tsaw yang gaw, sawn da ra sai nrai na a ni? ngu yup rawt dingsi jau jau dum dat sai le yaw..
Thursday, 8 January 2009
Bum Ntsa Kaw Nna Hkaw Ai Tara (VI)
Mahte 5:8 Myit san seng ai ni Karai Kasang hpe mu lu na.
(Pru 33:20; Yoba 19:26, 27; Esaia 6:5,N.N 5:24; 6:9; 17:1; 48:15; Shkkd 27:4; 36:9; 63:2; Esaia 38:3, 11).
Shawng na ga baw ni hta tsun sai hte maren, Yesu a tara nnan ndai gaw Ga Shaka Dingsa hpe shamyet shanat da ai lam law law nga ai. San seng ai lam gaw Yuda amyu ni hta lagaw lata kashin ai hku nna hkum hkrang hpe jasan ai hta grai madung nga ma ai. Yesu nta de shang wa yang lagaw shin na hka njaw ai majaw, num sha gaw manu dan ai mura hte lagaw kaw chya nna kara hte katsut ya ai lam ni mung jasan jaseng ai hte matut nga ai. Hkum hkrang san seng na kashin kau ra ai zawn, myit masin san seng na mung kashin katsut kau ra na lam yesu ga byan dan nga ai. Gara hku myit hpe kashin kau na rai ta?(Heb 10:22; 9:14; Kasa 15:9). Ga Shaka Dingsa hta mung Shkkd 32:1, 2; hte Rom 4:5-8; Esaia 6:5-8)ni hta tsun da ai hpe mu lu na ga ai. Yuda amyu ting hta makam masham a sharin achyin lam gaw Karai Kasang hta san seng nga lu na dusat nawng jau ai hku shakut na hkinjawng ni chye na ai Karai masa hta shakut nga ma ai.
Yesu a sharin achyin ai lam gaw myit masin san seng na lam rai nga ai. Zet let chye chyang ai ni ngu ntsun mayu ai hpe mung dum ra ai. Dum na ga ai, Pharashe ni galaw nga ai gaw hkum hkrang san seng na hpe madung ai zawn byin nga ai. Labu palawng ahpraw hte tara shadik dan, akyu hpyi dan re ai gaw namhtun hpraw chya da ai lup hte bung ai lam mung tsun dan manu ai. Yesu tsun ai myit masin gaw, kraw lawang san seng ai, myit mang ai lam san seng ai, jasat ai lam san seng ai, wenyi san seng ai, sak hkrung ai lam yawng san seng ai lam rai nga ai.(ngai hku nna jat shaleng mayu ai gaw: amu bawngban tim, sasana amu galaw tim, hpung up hpung sara galaw tim, gara uhpung uhpawng hte kanawn tim, myit nsan ai ni a sak hkrung lam gaw masha shada pyi yu matsat chye nga ai).
Yesu tsun ai hpe Jinghpaw hku 'myit san seng ai' ngu ai hta lai nna lacyum sung hkra shaleng na grai wa yak la nga li ai. Myit san seng ai ni gaw shanhte a sak hkrung lam yawng galai mat nga ai. Yu maya rai nna tsaw ra na shingni ningja rawng ai hte mung bung nga ai. Ngai law law lang myit yu ai. Ma kaji ni hpe masha kadai mung tsawra chye ai gaw, yubak nrawng ai lam a majaw re, ngu tsun ga nngai. Chyum laika hta masha gaw Yubak hte shangai wa ai re majaw yubak lu chyalu re ngu ai gaw maga mi re. Tinang galaw nna lu ai yubak gaw grau nga ai. Loi kaba myit su wa sai hte masu chye wa, nmu ai shara kaw mayun galaw chye wa, n ju ndawng myit rawng wa, ga law mayu, myit machyu mayu re ai aten du wa jang tsaw ra na zawn nsan mat ai. Daru mayu wa ai, ahkre mayu wa ai. Dam jaw nna sharin mayu wa sai. Dai wa hpe gram shading mayu wa sai. Kaja ai lam hpe manu jahpu jaw nna galai la u ga, ngu na zawn masha hpe je yang hpang wa ra sai.
Yu maya hku nna sawn yu ti pyi ndai myit masin san seng ai ni a sak hkrung lam gaw tsaw ra na zawn rai nga ai. Masha kaba nkau mi law law a tsaw ra ai hkam la lu ma ai. Shanhte mara nrawng ai ni re ngu mu lu ai. Gumgai dingla nkau mi hpaji nchye tim kanawn pyaw la ai, matsan dum na zawn, hkungga nlaw ai shingni sat lawat ni nga nga ai. Mahkawn shabrang ten du wa yang, tsawra ai jan wa gaw mu mada hkam la chye na ai amyu myu rai nga ai. Nkau mi matsan dum nna la ai, nkau mi sharawng nna la ai. Tsawra na zawn re ai shayi sha ni gaw yawng yawng mung tsaw ra nga ma ai. Yesu a ra sharawng ai myit san seng lam gaw asak pang hte nseng ai, masha langai mi hte seng nga ai majaw, shawng na ga baw kaw tsun ai hte maren, na a nlung salum hpe shaw kau nna kya ai salum galai ya na, ngu ai Yesu a yaw shada lam gaw shi a tara lam nmaw hta tut e amu lu nga na ga ai. Chyum laika hti shagu mung ndai yu jut hte Yesu a tsun shaga ai ga ni hpe dingdaw yu lu na ga ai.
Ndai ga baw hta mahta tsun nga ai gaw 'Pure' ngu ai jet ai, hpa n kayau ai hte, 'Clean' ngu ai san seng san pra ai ngu na kun, ndai lam lahkawng a lachyum gayau lawm nga ai. Pure ngu ai hta san seng ai sha nrai, sincerity ngu ai yu yu si si re ai nsam kyang lailen sat lawat lawm ai. Ung ang ai, ntsen ai, nrip ai, ndap ai nlawm ai langai sha re ai myit madung hte sak hkrung ai ni lawm ai (Shkkd 86:11). Yesu gaw ndai Pure hte Clean yan kaw na Pure hpe ra sharawng nga ai. Clean gaw Karai Kasang sha galaw ya lu ai, tinang galaw lu ai gaw hkum hkrang jasan jaseng ai sha re. Jasan jaseng la lu ai Karai Kasang sha rai nga ai majaw, tinang tara shadik ai hte san seng wa lu na nrai.
Karai Kasang hpe mu lu na lam gaw, ndai kawng ntsa na hkaw ai tara shagu a hpungdim e a lawm nga ai. Karai Kasang hpe mu lu ai ngu ai hpe tsaw dik ai mai kaja lam hkam la lu ai lam re hpe shabung da nga ai (IKor 13:12; IYawhan 3:2). Dai rai yang anhte ni san seng hkra mai nga na i? Chyum laika hta tsun da sai (Mahte 5:8; 2 Hkhk 20:3-6; Kasa 15:8,9; 1 Petru 1:22,1 Htesaloni 2:4-10;N.N 5:22-24; Daniela 6:3,22; Shkkd 24:3,4; hte Shran 7:9-17 ni hpe sawk bram hti yu ga).
Karai Kasang hte myi man hkrum mu lu na ten gaw lani mi du wa na re majaw chyum laika hta ga sadi jaw da mani ai.(Mahte 5:8; Yoba 33:25,26; Buhkawm 12:5-8; Pru 33:11; Tarajhp 34:10; Esai 33:15-17; Hebre 12:14; 1 Yawhan 3:2,3; Yoba 19:25-27; Shingran 22:3-5) ngu nna ndai Mahte 5:8 hta lakap nhtawm tinang a hkum myit masin hpe shadum dat yang, sak hkrung lam hta madi shadaw ya na chyum ga wa rai nga mali ai law.....
(Pru 33:20; Yoba 19:26, 27; Esaia 6:5,N.N 5:24; 6:9; 17:1; 48:15; Shkkd 27:4; 36:9; 63:2; Esaia 38:3, 11).
Shawng na ga baw ni hta tsun sai hte maren, Yesu a tara nnan ndai gaw Ga Shaka Dingsa hpe shamyet shanat da ai lam law law nga ai. San seng ai lam gaw Yuda amyu ni hta lagaw lata kashin ai hku nna hkum hkrang hpe jasan ai hta grai madung nga ma ai. Yesu nta de shang wa yang lagaw shin na hka njaw ai majaw, num sha gaw manu dan ai mura hte lagaw kaw chya nna kara hte katsut ya ai lam ni mung jasan jaseng ai hte matut nga ai. Hkum hkrang san seng na kashin kau ra ai zawn, myit masin san seng na mung kashin katsut kau ra na lam yesu ga byan dan nga ai. Gara hku myit hpe kashin kau na rai ta?(Heb 10:22; 9:14; Kasa 15:9). Ga Shaka Dingsa hta mung Shkkd 32:1, 2; hte Rom 4:5-8; Esaia 6:5-8)ni hta tsun da ai hpe mu lu na ga ai. Yuda amyu ting hta makam masham a sharin achyin lam gaw Karai Kasang hta san seng nga lu na dusat nawng jau ai hku shakut na hkinjawng ni chye na ai Karai masa hta shakut nga ma ai.
Yesu a sharin achyin ai lam gaw myit masin san seng na lam rai nga ai. Zet let chye chyang ai ni ngu ntsun mayu ai hpe mung dum ra ai. Dum na ga ai, Pharashe ni galaw nga ai gaw hkum hkrang san seng na hpe madung ai zawn byin nga ai. Labu palawng ahpraw hte tara shadik dan, akyu hpyi dan re ai gaw namhtun hpraw chya da ai lup hte bung ai lam mung tsun dan manu ai. Yesu tsun ai myit masin gaw, kraw lawang san seng ai, myit mang ai lam san seng ai, jasat ai lam san seng ai, wenyi san seng ai, sak hkrung ai lam yawng san seng ai lam rai nga ai.(ngai hku nna jat shaleng mayu ai gaw: amu bawngban tim, sasana amu galaw tim, hpung up hpung sara galaw tim, gara uhpung uhpawng hte kanawn tim, myit nsan ai ni a sak hkrung lam gaw masha shada pyi yu matsat chye nga ai).
Yesu tsun ai hpe Jinghpaw hku 'myit san seng ai' ngu ai hta lai nna lacyum sung hkra shaleng na grai wa yak la nga li ai. Myit san seng ai ni gaw shanhte a sak hkrung lam yawng galai mat nga ai. Yu maya rai nna tsaw ra na shingni ningja rawng ai hte mung bung nga ai. Ngai law law lang myit yu ai. Ma kaji ni hpe masha kadai mung tsawra chye ai gaw, yubak nrawng ai lam a majaw re, ngu tsun ga nngai. Chyum laika hta masha gaw Yubak hte shangai wa ai re majaw yubak lu chyalu re ngu ai gaw maga mi re. Tinang galaw nna lu ai yubak gaw grau nga ai. Loi kaba myit su wa sai hte masu chye wa, nmu ai shara kaw mayun galaw chye wa, n ju ndawng myit rawng wa, ga law mayu, myit machyu mayu re ai aten du wa jang tsaw ra na zawn nsan mat ai. Daru mayu wa ai, ahkre mayu wa ai. Dam jaw nna sharin mayu wa sai. Dai wa hpe gram shading mayu wa sai. Kaja ai lam hpe manu jahpu jaw nna galai la u ga, ngu na zawn masha hpe je yang hpang wa ra sai.
Yu maya hku nna sawn yu ti pyi ndai myit masin san seng ai ni a sak hkrung lam gaw tsaw ra na zawn rai nga ai. Masha kaba nkau mi law law a tsaw ra ai hkam la lu ma ai. Shanhte mara nrawng ai ni re ngu mu lu ai. Gumgai dingla nkau mi hpaji nchye tim kanawn pyaw la ai, matsan dum na zawn, hkungga nlaw ai shingni sat lawat ni nga nga ai. Mahkawn shabrang ten du wa yang, tsawra ai jan wa gaw mu mada hkam la chye na ai amyu myu rai nga ai. Nkau mi matsan dum nna la ai, nkau mi sharawng nna la ai. Tsawra na zawn re ai shayi sha ni gaw yawng yawng mung tsaw ra nga ma ai. Yesu a ra sharawng ai myit san seng lam gaw asak pang hte nseng ai, masha langai mi hte seng nga ai majaw, shawng na ga baw kaw tsun ai hte maren, na a nlung salum hpe shaw kau nna kya ai salum galai ya na, ngu ai Yesu a yaw shada lam gaw shi a tara lam nmaw hta tut e amu lu nga na ga ai. Chyum laika hti shagu mung ndai yu jut hte Yesu a tsun shaga ai ga ni hpe dingdaw yu lu na ga ai.
Ndai ga baw hta mahta tsun nga ai gaw 'Pure' ngu ai jet ai, hpa n kayau ai hte, 'Clean' ngu ai san seng san pra ai ngu na kun, ndai lam lahkawng a lachyum gayau lawm nga ai. Pure ngu ai hta san seng ai sha nrai, sincerity ngu ai yu yu si si re ai nsam kyang lailen sat lawat lawm ai. Ung ang ai, ntsen ai, nrip ai, ndap ai nlawm ai langai sha re ai myit madung hte sak hkrung ai ni lawm ai (Shkkd 86:11). Yesu gaw ndai Pure hte Clean yan kaw na Pure hpe ra sharawng nga ai. Clean gaw Karai Kasang sha galaw ya lu ai, tinang galaw lu ai gaw hkum hkrang jasan jaseng ai sha re. Jasan jaseng la lu ai Karai Kasang sha rai nga ai majaw, tinang tara shadik ai hte san seng wa lu na nrai.
Karai Kasang hpe mu lu na lam gaw, ndai kawng ntsa na hkaw ai tara shagu a hpungdim e a lawm nga ai. Karai Kasang hpe mu lu ai ngu ai hpe tsaw dik ai mai kaja lam hkam la lu ai lam re hpe shabung da nga ai (IKor 13:12; IYawhan 3:2). Dai rai yang anhte ni san seng hkra mai nga na i? Chyum laika hta tsun da sai (Mahte 5:8; 2 Hkhk 20:3-6; Kasa 15:8,9; 1 Petru 1:22,1 Htesaloni 2:4-10;N.N 5:22-24; Daniela 6:3,22; Shkkd 24:3,4; hte Shran 7:9-17 ni hpe sawk bram hti yu ga).
Karai Kasang hte myi man hkrum mu lu na ten gaw lani mi du wa na re majaw chyum laika hta ga sadi jaw da mani ai.(Mahte 5:8; Yoba 33:25,26; Buhkawm 12:5-8; Pru 33:11; Tarajhp 34:10; Esai 33:15-17; Hebre 12:14; 1 Yawhan 3:2,3; Yoba 19:25-27; Shingran 22:3-5) ngu nna ndai Mahte 5:8 hta lakap nhtawm tinang a hkum myit masin hpe shadum dat yang, sak hkrung lam hta madi shadaw ya na chyum ga wa rai nga mali ai law.....
Wednesday, 7 January 2009
Sunday, 4 January 2009
Bum Ntsa Kaw Nna Hkaw Ai Tara (V)
Mahte 5:7 Matsan chye dum ai ni gaw shanhte mung matsan dum la ai hkrum na re.
Mungga a shingdu labau mabyin:
Yuda htunghkring, Yuda amyu, Yuda makam masham gaw garan kau nlu hkra makyit gumdin nga ai. Hpung hpe woi awn nga ai ni nan, Karai Kasang a mungdan gaw tara hkan shatup jang she dik tup wa lu na re ngu woi kam ma ai. Dai majaw, tara hkan dum ai ni gaw ngai grau hkan shi grau nhkan nga nna gumrawng, rai dum, san pra dum ai hta shingjawng shingla, lam nmaw hkan, masha mada mu na shara hkan labu palawng hpraw hpun kau nna akyu hpyi dan re ai gaw htunghkring hku she gale mat hkra rai nga sai. Dai hku nna sha, Meshia HKYE LA MADU du sa wa na hpe la nga na sindai su, myit kraw du dum nga ma ai.
Raitim dai lam ni gaw, Meshia hpe ala ai tengman lam madung nrai mat nga malu ai. Mahte 23:27 hta Yesu shanhte hpe tsun ai gaw, (hpyi hpun ai laika ka sara ni hte Hparashe nanhte ni dinngnye lu myit dai). Hkalup sara Yawhan gaw shanhte hpe, pu htum amyu ni e, ngu nna bai tsun shamying bun hkrum masai (Mahte 3:7-8). Dai aten hta nan, Yesu hpe gaw, shi a kyep din gun na pyi ngai n gring ndan she re, ngu Yawhan mu nga wu ai (Kaji 9-12). Dai pyi gaw, Yawhan hte Yesu a lapran htingram la nlu na lam ni naw byin pru nga ai. Karai hpe nawku ai dai ten na ni, Yesu amu galaw ai hpang na hte shawng na shai nga ai hte maren, tengman ai magam bungli galaw na gaw, kup tsup ai ningja shawng ra nga ai.
Dingdaw la lu na lam:
Dai hte maren, dai ni na Hkristan tai ai ni mung, lam amyu myu hku nna up hkang ai ahkrum nga ga ai. Buga hpung hta sara ni a ga madat ra, hpungtau ni a ga hkan ra, hpung tara mung hkan ra,, dai ni na hkristan hte moi shawng na Yuda htunghkring kata na nawku hpung hpa naw shai nga a ta? lama mi tsun jang pat hkrum, ban hkum, daru sharin hkrum, ga sadi pyi naw la ra ai hku sharin katut nga ai. Poidaw nsa sha jang hpung up sara gaw tsun sai, sara ni gaw dai tengman ai hpe nhkaw ntsun ai sha masha hpe sharin achyin taw nga ma ai. Sara ni mu mada ra sharawng ai hku nna hpung masha ni hpe sharin shaga up hkang taw nga ma ai. Sara ni shut ai hpe nhtang tsun ai wa gaw, hpung kaw nna shapraw kau na hte hpung tara nhkan ai ni, lale ai ni hku sha hkam la ra na ga ai.
Sawn daw yu na lam:
Yesu hkaw tsun ai ndai 'matsan dum' lam gaw ngwi pyaw ai hte matut nga ai. Yesu a amyu Yuda ni hte Roma htung hkan ai ni yawng gaw, tinggyeng myit rawng ai ni hkrai re. Dai majaw makam masham kata hta tinang hkum san seng chyoipra na shakut ai zawn, maga mi mung tinang tinggyeng arawng lu sut su na hpe sha shakut ma ai. Shinggyim masha myit hku nna ndai Mahte 5:7 hpe jahkring hkring chye na hkam la ai lam ni shai wa wa re ai nga ma ai. Tinang hpe tsaw ra jang tinang mung lu tsaw ra ai, ngai kaja jang shi mung hkrak wa ai ngu ai baw hte myit dik lu shangun nga ai. Hpung masha ni hpe mung dai hku sharin nga ai.
shakespeare gaw, matsan dum ai, ngu ai ga hpe hkaw hkam hkaw seng ni gali da nna, shanhte kaw na bai hkam la ai rai yang grau manu dan ai hku chye na na ga ai, nga ai. Lamu nna htu hkrat wa ai marang ga ntsa hpring nga ai zawn mung, lamu na hkrat ai numri ni hkai nmai jahkrung ya ai zawn mung matsan dum ai ngu ai ndai hpe shaleng dan wu ai.
Yesu gaw tengman ai ngu ai a ntsa dinghpring ai ngu ai nga ai zawn, matsan dum ai ngu ai a ntsa ngwi pyaw ai lam mung ka-ep nga ai. Dai majaw, kyang lai len, kraw kata na myit masin hpe tsun mayu taw nga sai. Ngwi pyaw ai hte matsan dum la ai hkam na matu, Ga Shaka Dingsa prat hta sagu sai, u sai hte galai yu sai. Yesu dai hpe n sharawng ai. Nawku jawng kaw Karai Kasang hpe nawng jau na sagu dumsu re ai ni hpe shi nra sharawng ai hpe mu na ga ai (Amo 5:21-24) hta mung mu lu ga ai. Yesu ra sharawng ai gaw, galaw ai sat lawat nrai, myit ai kraw lawang na myit masin rai nga lu ai majaw, galoi mung myit masin a jasat ai hpe sha atsun nga ai hpe mung chyum laika ting hta mu lu na ga ai. Dai majaw, kawng ntsa kaw nna hkaw ai tara shawng na (4) ting hta mung kraw kata kaw gara hku myit mang ra ai hkrai tsun nga ai.
Matsan dum la na zawn re ai nsam sam ai ni gaw matsan dum la ai hkrum na re. Ga shadawn: ma chyangai shangai wa yang kawa gaw lahku mayu ai myit rawng na sha re. Dai aten na Roma ni a alai gaw kadai hpe mung matsan dum ai kum la n madun nga ai. Tara ai kun n tara ai kun hpe sha yu nga ai. Masha sat na rai yang, sat gring ai mara nga ai kun, nnga ai kun. Tara hte up ai ni gaw tara jeyang na hpe sha hkrit ai. Matsan dum la ai hkrum na gaw Karai wa nan matsan dum ai wa re hpe chye ra ai ngu ai shingdu e byin ai nmu lu ai myit kraw a shadut jahkat ai sat lawat a majaw, Yesu gaw matsan dum lama ai Karai hta hkum tsup wa na lam ra sharawng nga ai.
Yesu shi nan mung mungkan ga ntsa asak hkrung ai ladaw sasana amu yi ngam hta tsap jen nga ai ten mu lu ai shi a sal lawat yawng mayawng gaw, matsan dum la ai, shamai shatsai la ai, sharin achyin la ai hte shadum jahprang la ai lam hta asak sum hkra ap nawng nga wu ai (Luka 7:11-15; Mahte 2:16; Yawhan 8:3-11) hpe hti yu ga.
A. Matsan dum ai hte mara dat ya na lam
(a)Shi a matsan dum ai a majaw hkye la sai (Titu 3:5)
(b)Na chying tsawra chye ai Karai a majaw anhte hpe Hkristu hte hpawn di nna jahkrung mani ai (Ehpesu 2:4-5)
(c)Matsan dum ai hte yubak hpe raw dat ya ai lam gaw Madu Karai hte seng ai ni sha lu galaw ai (Daniela 9:9)
(d)Jahpawt manap hpe la ai hta, Madu hpe la nga gring ai (Shkkd 130:1-7).
B. Karai a matsan dum ai lam gaw mara raw ya ai de du wa sai.
Mercy goes beyond forgiveness
Mara dat ya ai yawng gaw matsan dum nna sha nrai, hkye hkrang la mayu ai a majaw re. Shi a hkye hkrang la ai lam gaw matsan dum ai san san sha mung gaw nrai nga ai.
(a) Shkkd 119:64--"Ga ntsa e Yehowa a chyeju hkrai hpring rai nga ai".
(b) N.N 32:10--Nga mu nga mai shangun na Yehowa.
(c) 2 Samuel 24:14--"Karai Kasang a matsan dum ai myit kaba la ai".
(d) Nehemiah 9:19--Karai kasang a galu kaba ai amu majaw nam mali hta n shadam da ai Israela amyu hpe woi wa sai
(e) Matsan dum ai hte tsaw ra ai gaw tut e rau anga nga ai.
Dai majaw, Karai Kasang hpe tsaw ra ai ni gaw, matsan dum la ai teng teng hkrum na lam... ndai kawng ntsa kaw nna hkaw ai Madu Yesu a ga nsen hte anhte hpe shachye shachyang mani ai rai........
Mungga a shingdu labau mabyin:
Yuda htunghkring, Yuda amyu, Yuda makam masham gaw garan kau nlu hkra makyit gumdin nga ai. Hpung hpe woi awn nga ai ni nan, Karai Kasang a mungdan gaw tara hkan shatup jang she dik tup wa lu na re ngu woi kam ma ai. Dai majaw, tara hkan dum ai ni gaw ngai grau hkan shi grau nhkan nga nna gumrawng, rai dum, san pra dum ai hta shingjawng shingla, lam nmaw hkan, masha mada mu na shara hkan labu palawng hpraw hpun kau nna akyu hpyi dan re ai gaw htunghkring hku she gale mat hkra rai nga sai. Dai hku nna sha, Meshia HKYE LA MADU du sa wa na hpe la nga na sindai su, myit kraw du dum nga ma ai.
Raitim dai lam ni gaw, Meshia hpe ala ai tengman lam madung nrai mat nga malu ai. Mahte 23:27 hta Yesu shanhte hpe tsun ai gaw, (hpyi hpun ai laika ka sara ni hte Hparashe nanhte ni dinngnye lu myit dai). Hkalup sara Yawhan gaw shanhte hpe, pu htum amyu ni e, ngu nna bai tsun shamying bun hkrum masai (Mahte 3:7-8). Dai aten hta nan, Yesu hpe gaw, shi a kyep din gun na pyi ngai n gring ndan she re, ngu Yawhan mu nga wu ai (Kaji 9-12). Dai pyi gaw, Yawhan hte Yesu a lapran htingram la nlu na lam ni naw byin pru nga ai. Karai hpe nawku ai dai ten na ni, Yesu amu galaw ai hpang na hte shawng na shai nga ai hte maren, tengman ai magam bungli galaw na gaw, kup tsup ai ningja shawng ra nga ai.
Dingdaw la lu na lam:
Dai hte maren, dai ni na Hkristan tai ai ni mung, lam amyu myu hku nna up hkang ai ahkrum nga ga ai. Buga hpung hta sara ni a ga madat ra, hpungtau ni a ga hkan ra, hpung tara mung hkan ra,, dai ni na hkristan hte moi shawng na Yuda htunghkring kata na nawku hpung hpa naw shai nga a ta? lama mi tsun jang pat hkrum, ban hkum, daru sharin hkrum, ga sadi pyi naw la ra ai hku sharin katut nga ai. Poidaw nsa sha jang hpung up sara gaw tsun sai, sara ni gaw dai tengman ai hpe nhkaw ntsun ai sha masha hpe sharin achyin taw nga ma ai. Sara ni mu mada ra sharawng ai hku nna hpung masha ni hpe sharin shaga up hkang taw nga ma ai. Sara ni shut ai hpe nhtang tsun ai wa gaw, hpung kaw nna shapraw kau na hte hpung tara nhkan ai ni, lale ai ni hku sha hkam la ra na ga ai.
Sawn daw yu na lam:
Yesu hkaw tsun ai ndai 'matsan dum' lam gaw ngwi pyaw ai hte matut nga ai. Yesu a amyu Yuda ni hte Roma htung hkan ai ni yawng gaw, tinggyeng myit rawng ai ni hkrai re. Dai majaw makam masham kata hta tinang hkum san seng chyoipra na shakut ai zawn, maga mi mung tinang tinggyeng arawng lu sut su na hpe sha shakut ma ai. Shinggyim masha myit hku nna ndai Mahte 5:7 hpe jahkring hkring chye na hkam la ai lam ni shai wa wa re ai nga ma ai. Tinang hpe tsaw ra jang tinang mung lu tsaw ra ai, ngai kaja jang shi mung hkrak wa ai ngu ai baw hte myit dik lu shangun nga ai. Hpung masha ni hpe mung dai hku sharin nga ai.
shakespeare gaw, matsan dum ai, ngu ai ga hpe hkaw hkam hkaw seng ni gali da nna, shanhte kaw na bai hkam la ai rai yang grau manu dan ai hku chye na na ga ai, nga ai. Lamu nna htu hkrat wa ai marang ga ntsa hpring nga ai zawn mung, lamu na hkrat ai numri ni hkai nmai jahkrung ya ai zawn mung matsan dum ai ngu ai ndai hpe shaleng dan wu ai.
Yesu gaw tengman ai ngu ai a ntsa dinghpring ai ngu ai nga ai zawn, matsan dum ai ngu ai a ntsa ngwi pyaw ai lam mung ka-ep nga ai. Dai majaw, kyang lai len, kraw kata na myit masin hpe tsun mayu taw nga sai. Ngwi pyaw ai hte matsan dum la ai hkam na matu, Ga Shaka Dingsa prat hta sagu sai, u sai hte galai yu sai. Yesu dai hpe n sharawng ai. Nawku jawng kaw Karai Kasang hpe nawng jau na sagu dumsu re ai ni hpe shi nra sharawng ai hpe mu na ga ai (Amo 5:21-24) hta mung mu lu ga ai. Yesu ra sharawng ai gaw, galaw ai sat lawat nrai, myit ai kraw lawang na myit masin rai nga lu ai majaw, galoi mung myit masin a jasat ai hpe sha atsun nga ai hpe mung chyum laika ting hta mu lu na ga ai. Dai majaw, kawng ntsa kaw nna hkaw ai tara shawng na (4) ting hta mung kraw kata kaw gara hku myit mang ra ai hkrai tsun nga ai.
Matsan dum la na zawn re ai nsam sam ai ni gaw matsan dum la ai hkrum na re. Ga shadawn: ma chyangai shangai wa yang kawa gaw lahku mayu ai myit rawng na sha re. Dai aten na Roma ni a alai gaw kadai hpe mung matsan dum ai kum la n madun nga ai. Tara ai kun n tara ai kun hpe sha yu nga ai. Masha sat na rai yang, sat gring ai mara nga ai kun, nnga ai kun. Tara hte up ai ni gaw tara jeyang na hpe sha hkrit ai. Matsan dum la ai hkrum na gaw Karai wa nan matsan dum ai wa re hpe chye ra ai ngu ai shingdu e byin ai nmu lu ai myit kraw a shadut jahkat ai sat lawat a majaw, Yesu gaw matsan dum lama ai Karai hta hkum tsup wa na lam ra sharawng nga ai.
Yesu shi nan mung mungkan ga ntsa asak hkrung ai ladaw sasana amu yi ngam hta tsap jen nga ai ten mu lu ai shi a sal lawat yawng mayawng gaw, matsan dum la ai, shamai shatsai la ai, sharin achyin la ai hte shadum jahprang la ai lam hta asak sum hkra ap nawng nga wu ai (Luka 7:11-15; Mahte 2:16; Yawhan 8:3-11) hpe hti yu ga.
A. Matsan dum ai hte mara dat ya na lam
(a)Shi a matsan dum ai a majaw hkye la sai (Titu 3:5)
(b)Na chying tsawra chye ai Karai a majaw anhte hpe Hkristu hte hpawn di nna jahkrung mani ai (Ehpesu 2:4-5)
(c)Matsan dum ai hte yubak hpe raw dat ya ai lam gaw Madu Karai hte seng ai ni sha lu galaw ai (Daniela 9:9)
(d)Jahpawt manap hpe la ai hta, Madu hpe la nga gring ai (Shkkd 130:1-7).
B. Karai a matsan dum ai lam gaw mara raw ya ai de du wa sai.
Mercy goes beyond forgiveness
Mara dat ya ai yawng gaw matsan dum nna sha nrai, hkye hkrang la mayu ai a majaw re. Shi a hkye hkrang la ai lam gaw matsan dum ai san san sha mung gaw nrai nga ai.
(a) Shkkd 119:64--"Ga ntsa e Yehowa a chyeju hkrai hpring rai nga ai".
(b) N.N 32:10--Nga mu nga mai shangun na Yehowa.
(c) 2 Samuel 24:14--"Karai Kasang a matsan dum ai myit kaba la ai".
(d) Nehemiah 9:19--Karai kasang a galu kaba ai amu majaw nam mali hta n shadam da ai Israela amyu hpe woi wa sai
(e) Matsan dum ai hte tsaw ra ai gaw tut e rau anga nga ai.
Dai majaw, Karai Kasang hpe tsaw ra ai ni gaw, matsan dum la ai teng teng hkrum na lam... ndai kawng ntsa kaw nna hkaw ai Madu Yesu a ga nsen hte anhte hpe shachye shachyang mani ai rai........
Thursday, 1 January 2009
Mungkan ntsa shangai shara nlu ai Ma 'Sasha'
Ma shayi sha Sasha n myit mada ai ndai shaning nnan shana, nbugnli ntsa kaw shangai dai daw la sai. Bu hkawm masha 125 jawn ai Northwest Airlines nbungli No.(59) Amsterdem kaw nna Boston de hkying hkum 6 pyen ai nbungli ntsa kaw jawn lawm wa ai Uganda hpaw mi gaw (2.7kg) re ai ma hpe gam mi a kaja sarawun 2 lawm hkrup ai nbungli hta ma shayi sha hpe shaprat dat nu ai.
Ndai ma gaw Canada gang hkau kaw shangai wa ang sai majaw, Canada mung chying sha masat ang ra sana lam nga ai nga ma ai. Ma kanu gaw shata (8) sha naw re majaw garai n shangai na re ngu kam sham da ai wa, ma a gam maka gaw shangai nhtoi hpe sit kau ya sai kun. Sasha gaw Boston aten 0900 (GMT 1400) aten e nbugnli ntsa kaw lawm ai Dr. Natarajan Raman hte shangai ya ra mat sai.
Nbungli ntsa jawn lawm ai ni yawng yawng gaw dai ma hpe kumhpaw kumhpa ni hte lu sha ni tinang lawm hkrup ai made hte kabu lawm masai. Kanu gaw gara mungdan masha re ai, hpa majaw hkum gawng laja lana ali ahti rai sai wa bu hkawm ra ai ngu ai gaw kadai mung garai nchye lu ai mabyin rai taw nga ai.
Ndai ma gaw Canada gang hkau kaw shangai wa ang sai majaw, Canada mung chying sha masat ang ra sana lam nga ai nga ma ai. Ma kanu gaw shata (8) sha naw re majaw garai n shangai na re ngu kam sham da ai wa, ma a gam maka gaw shangai nhtoi hpe sit kau ya sai kun. Sasha gaw Boston aten 0900 (GMT 1400) aten e nbugnli ntsa kaw lawm ai Dr. Natarajan Raman hte shangai ya ra mat sai.
Nbungli ntsa jawn lawm ai ni yawng yawng gaw dai ma hpe kumhpaw kumhpa ni hte lu sha ni tinang lawm hkrup ai made hte kabu lawm masai. Kanu gaw gara mungdan masha re ai, hpa majaw hkum gawng laja lana ali ahti rai sai wa bu hkawm ra ai ngu ai gaw kadai mung garai nchye lu ai mabyin rai taw nga ai.
Hpung Up Rick Warren a akyu hpyi ga shawa hpe sindawng shangun
Hkristan ni akyu hpyi ai shaloi, galoi mung 'Yesu a mying ningsang hta' ngu ai ga hte hpungdim ai gaw htunghkring zawn rai nga ai.
American gumsan magam lata da sai Obama a shagrau sha-a hpawng hta, Hpung up Rick Warren akyu hpyi na ga hpe, na la na hkristan ni nkam hkam la na ma ai nga nna Christian Post kaw nna shana wa ma ai.
Rick Warren hpe ading tawk ga san san ai ni nga wa ma ai, 'Yesu a mying ningsang hta akyu hpyi' ai ngu ai lam hpe san ra wa malu ai. Warren tsun ai, 'ngai gaw hkristan hpung up le, ngai chye nga ai gara hku akyu hpyi na ngu ai gaw' nga tsun let, akyu hpyi ai gaw mungga nre, tara hkaw ai mung nre, hkan ra ai tara ni madi madun ai hte mung masa awngdang na lam shadip jung ai mung nre, nga ai. Shagrit shanem nna Karai Kasang hpang de tinang a lam tsun dan sit shang ai lam she re. Dai majaw 'Yesu a myig ningsang' hta ngu hpyi tsun ai baw nre, nga ai.
Lai wa sai (8) ning hta, Bush hpe gumsan magam lata da nna galaw ai awngdang lam masat hta tara hkaw ai Kirbyjon Caldwell (Methodist hpung up) wa tsun ga sai. Ndai Rick Warren wa akyu hpyi yang, 'Yesu a mying ningsang hta' ngu nhpyi yang gaw, Hkristan ni yawng yawng wa shi hpe myit npyaw nngawn gaw byin na ma ai, nga tsun sai da. Warren wa dai hku akyu nhpyi ai rai yang, nang gaw gara hku mu mada na rai ta.
Warren's Inauguration Prayer Could Draw More Ire
Christian Today News kaw na tang madun dat ai rai
American gumsan magam lata da sai Obama a shagrau sha-a hpawng hta, Hpung up Rick Warren akyu hpyi na ga hpe, na la na hkristan ni nkam hkam la na ma ai nga nna Christian Post kaw nna shana wa ma ai.
Rick Warren hpe ading tawk ga san san ai ni nga wa ma ai, 'Yesu a mying ningsang hta akyu hpyi' ai ngu ai lam hpe san ra wa malu ai. Warren tsun ai, 'ngai gaw hkristan hpung up le, ngai chye nga ai gara hku akyu hpyi na ngu ai gaw' nga tsun let, akyu hpyi ai gaw mungga nre, tara hkaw ai mung nre, hkan ra ai tara ni madi madun ai hte mung masa awngdang na lam shadip jung ai mung nre, nga ai. Shagrit shanem nna Karai Kasang hpang de tinang a lam tsun dan sit shang ai lam she re. Dai majaw 'Yesu a myig ningsang' hta ngu hpyi tsun ai baw nre, nga ai.
Lai wa sai (8) ning hta, Bush hpe gumsan magam lata da nna galaw ai awngdang lam masat hta tara hkaw ai Kirbyjon Caldwell (Methodist hpung up) wa tsun ga sai. Ndai Rick Warren wa akyu hpyi yang, 'Yesu a mying ningsang hta' ngu nhpyi yang gaw, Hkristan ni yawng yawng wa shi hpe myit npyaw nngawn gaw byin na ma ai, nga tsun sai da. Warren wa dai hku akyu nhpyi ai rai yang, nang gaw gara hku mu mada na rai ta.
Warren's Inauguration Prayer Could Draw More Ire
Christian Today News kaw na tang madun dat ai rai
Subscribe to:
Posts (Atom)