Luka 15 kaw rawng ai MAT ai hpe tam ai hpan 3 a lam.

1. Luka 15:4-7

Sagu latsa na langai mat yang :-

Sagu nga tsun yang- 

a) nli kaja ni 

b) hkristan ni hte langai sha hpe tsun ai re. Hkristan ni ngu ai hta K. K a sai kahte mi sha rawng tim, hkristan tai ra ai re. Dai sai hpe latsa na langai, shi na langai hku lang lang di ai hpe mu lu ai. Dai langai gaw mat nmai ai manu dan ai kachyi hku mung, nga hku mung, sagu hku mung lang ai. Dai hpe mu tam jang, Sumsing lamu kata e grau kabu ai da. Dai hpe tam na matu Hkristu hpe dat ra ai re majaw, yawng hta grau ai kabu hpa re nga ai rai lu ai.

2. Luka 15:8-10

Numsha ngu ai (tsing /gumlau) gaw, gumhpraw lap shi na lap mi mat yang pyendin shatu nna mu hkra tam na. Ndai hpe mu tam jang, K. K a lamu kasa ni a man e kabu gara shara rai nga. 

Ndai gaw, tsing ngu ai gumlau wa hpe, Sumsing lamu a mungdan kaw jaw nga da ai hpe tsun ai. Dai kaw lap mi ngu ai sumsing sutgan tai taw ai hkristan ni nnga yang, gumlau wa mung asak nmai hkrung ai ngu ai re. Lap mi hpe mu tam ai hpang lamu kasa ni a man e kabu shara sha re. Mungkan ga ntsa e sumsing asak hte nga htuk dan ai hpe, yu sin nga ai lamu kasa ni a man e htuk manu dan ai sha re. Shi gaw nat kau na hta lawm ai re majaw Sumsing daw hta kabu shara nnga ai. 

Ndai kaw pyen din shatu nna tam ai ngu jang, K. K jaw ai asak hte seng ai hpe tsun ai re. Gumhpraw gaw Sumsing arawng hku lang lang re ai. Raitim, gumhpraw kaw Kehta a sumla kap jang gaw Sumsing hte bai nseng mat ai. Gumhpraw dingsen (shingran laika) gaw amu galaw ai K. K a Wenyi hpe tsun ai.

3. Luka 15:11-24

Kawa kaw na sali gambum hpyi la nna Dam mat ai kasha kaji htum a lam re. 

Nde a mabyin gaw Sumsing daw na rai nna lachyum gaw 2 rawng ai. 

Kaji htum ngu jang, Benyamin hku nna hkristan hpe wa tsun tsun mung re ai. Raitim ndai kaw na mabyin madung gaw, Sumsing kaw na amu galaw ai magam gun nkau ni mungkan ga e pyaw len mat ai ni nga taw ai hpe mu shangun ai. Dai ni bai wa yang Sumsing gaw kabu let hkap tau la na hpe tsun da ai ga re.

Hpa majaw nga yang:-

A) Ta chyawp hkap jaw ai 

B) Kawn da ai dumsu kasha sat ai 

C) Ka manau ai, ndai ni lawm jang gaw Sumsing daw hta byin chye ai lam sha re. 

Dai majaw, mat ai hpe hkan tam ai hpan masum gaw mabyin hte tsun mayu ai nbung ai hpe chye da mai nga mali ai. 

Lak lak lai lai Luka laika hta Yesu gaw "ngai nanhte hpe tsun made ga" nga jahkring hkring rawng ai. Ndai gaw after earth na mabyin hpe tsun na rai yang lang lang re ai ga rai nga ai. "Nanhte hpe ngai teng teng tsun made ga", nga jang gaw, lahta na matsun hpe tsun tsun re ai. Ndai ga a shai ai hpe mung matsing da mai nga ai. Ndai makoi magap lam ni hpe hkristan ajet ni chye na na nloi la na re ai. Chye mung nra ai nga tsun da ai shara nga ai.