Bum Ntsa Na Tara Hkaw Ga

Mahte 5:3-8

Alu ai Tara

5. Mahte 5:7

Matsan chye dum ai ni gaw, a lu ma ai: kaning rai nme law, shanhte matsan dum la ai hkrum na mara ai.

Ndai gaw 2 ngu ai gumlau wa hpe tsun ai mung re. Kabu Gara Shiga sa tsun ai shaloi, shi hpe mung lawm wa shangun mayu ai majaw re. Ga shadawn: Elia hte gaida jan a mabyin gaw ndai lam hpe htawng madun ya ai. Elia ngu ai Masha hpe jaw sha jang (Karai masha hpe bau lawm jang) nang (gaida jan-gumlau) mung, hkru kat lu na re, ngu ai, rai lu ai.

Bai, "ngai gaw hkye hkrang la hkrum sai, shi hpe mung hkrum shangun mayu ai re law; ngu ai matsan dum lama ai myit rawng let, Kabu Gara Shiga hkaw na matu matsun ai. Kabu Gara Shiga hkaw ai ngu ai hta, ning rai nna matsan dum la ai hkrum shangun mayu ai majaw, shagrit shanem kau dat ai zawn re ai lam gaw a lu ai ai lam re.

Mungkan ga gaw: nli kaja ngu ai ali ama ni hpe matsan dum ai majaw, hkye la lam jahkrum ai rai nga lu ai. Shi tawn kau tim mai ai rai lit. Tim, Shi a kasha ni hpe matsan dum ai majaw magam bungli galaw ai hpe bai chye na ya nna, matsan dum ai amu bai galaw ai ni nga ai. Karai wa anhte hpe matsan dum la ai ngu ai gaw, grai matsan mayan re ai rai lu ai. Dai majaw, Karai wa a tsaw ra myit, Shi matsan dum da ai Shi a kashu kasha ni a man e hpyan dan da ya ai re.

Shi a ali ama Hkristu, Shi a magam bungli bai galaw ai ni Shi hpe bai kabu shangun ai ni grai nga ai. Ning re ai lam ni ma hkra gaw, Karai wa e matsan dum la ai bai hkrum lu ai ngu ai re law.