Thursday 29 September 2011

Mali Zup Madim Htawt Kau Sana

Jinghpaw mungdaw a salum ginra na Mali-Nmai zup wan jak hka madim masing hpe kade nna yang jahkring kau sana rai nga ai. Ya na Mali zup madim masing hpe Nmai hka hta mahtang htawt galaw na rai nna, htawt sit jahpu $ wan 250 ma na rai nga ai. Dai htawt sit shabrai hpe Myen asuya kaw na lit la ya ra ai nga ai.
Mali hka madim lama matut galaw ai rai yang, yaw shada awngdang lam hta kaga sum machyi hkrum na mabyin ni grau law wa mai ai majaw jahkring ra ai lam rai nga ai. Shingra tara hpyen a majaw madim daw ai mabyin hte tsang shara kaba shabyin mai nga ai. Dai gaw (environment destruction )makau graup yin hten za ai sha nrai, Jinghpaw mung Myitkyina, Waimaw pa, Mogaung, Namti ni hta shanu nga ai mare masha law malawng hpe shaning 60 ning laman nmyit mada ai ten kashin shatsai kau hkrum ai mabyin du wa lu nga ai. Dai lam gaw, Jinghpaw mung lahta daw ni hta shingra tara a majaw marang lama law nna hka maw ru kaba hte  madim lama daw ru wa yang, Myitkyina lawu Mali hka hka gyip  gaw,  hka shadang nna lahta e tsun ai mare kaba ni hpe  hka nawng shabyin  ing ka-up kau na teng rai nga ai. Dai madim galoi daw nna, hka maw ru galoi wa na hte madim daw na ndaw na hpe kadai mung tak maram lu ai nrai......

No comments:

Post a Comment