Majan pa kaw hkrum ai hpyen wa hpe mara dat ya nna tsawra la na ngu ai gaw mai byin na a ni? Ndai zawn mungdan asuya manghkang a lapran majan jahkring hkring byin ai shaloi hpyen wa a ntsa mara dat ya na lam gaw loi ai amu nrai na re. Hpung sara ni rai timung, majan lahkawng hpe galoi mung gasat nga ra ai. Majan langai gaw, hpung sara ni galoi mung tinang a tinggyeng myit hpe kau da nna Hkristu hte Karai mungdan hte seng ai hpe madung tawn sak hkrung hkawm sa nga ra ai lam rai nga ai. Dai gaw, tinang a machye machyang hta shamyet nna ndai mungkan e sak hkrung na malai Karai Kasang a mungdan ngu ai hpe gaw de let Kabu Gara Shiga hta shamyet nna hkawm sa sak hkrung nga ra ai lam rai nga ai. Bai kaga langai mi gaw, hpung a sasana yi ngam hta tsap lu ai sha nra; kabu gara shiga hkaw let dai hta myit lawm hkan sa ai hpung masha ni yawng a myit masin salum hpe mungga hta ngwi nga pyaw nga nna sim sa nga lu hkra gaw gap nga ra ai lam rai nga ai.
Ndai lahkawng gaw hkum sai hte ashan hte nhtan shai nga ai majaw gsat gala ra ai lam rai nga ai. Raitim, kabu gara shiga hta lakap nna hkum sai hte ashan sha nrai; n tara ai hku up hkang ai ladat hpe gumlang kau ra ai hte n tara ai du ni hpe ninghkap gwi ra ai, nchye nchyang ai majaw byin pru wa ai yubak ningsin lam amyu myu hpe dang lu na lam, nhkru ai tsa dan hte wenyi shadam ni a majaw byin pru wa ai lam shagu hpe chye mu mada nna ninghkap nga ra ai lam ni mung lawm nga ai (Ephesu 6:12).
Dai majaw, hpung magam gun ni gaw galoi mung Karai Kasang a hpyen hkring hpe bu hpun dagraw da ra nga ai (Ehpesu 6:11). Dai zawn byin nga ai ten hta myit galu kaba hkam sharang ai lam mung tut e anga nga ra ai (Yaku 4:1). Gasat ai shaloi mung, makam masham hte gasat ra ga ai (1Timo 6:12). Raitim, anhte a hkum hkrang hpe galoi mung majan pa e rai nga ai ngu sawn da yang mung, simsa lam ngu ai ga hpe hkrang shapraw na gaw nmai byin ai daram rai nga ai. Dai hku nga yang, Kabu Gara Shiga ndai gaw anhte hpe hkum tsup ai sakhkrung lam de ndu wa shangun sai kun ngu san na zawn rai nga ai. Dai majaw, kam sham ai hte sha anhte gaw hkye hkrang la ai hkrum na ga ai, ngu hkam la ai kaw nna hpung sara ni hta makam masham gaw ahkyak ai lam byin wa sai. Karai Kasang hte pawng nga lu na matu Hkristu hku nna sha byin lu na rai nga ai (Roma 5:1). Hkristu a nsen hpe madat nna sak hkrung ra wa saga ai (Kolose 2:13-15). Petru a mungga mung hpung sara ni a matu ahkyak ai lam byin nga sai (1Petru 5:1-4).
No comments:
Post a Comment