1945 ning kaw nna, Mungkan Wunpawng Hpung (MWH), United Nations Human Rights Declaration gaw, shinggyim masha hpraw chyang kaji kaba yawng a matu ahkaw ahkang ningpawt ninghpang lam madung sumshi (30) hpe masat shagrin da masai. Raitim, dai ahkaw ahkang ni hpe lu la ging ninglen nlu la ai masha law law nga nga ai. Masha hkum shagu hpaji sharin hkaja na ahkaw ahkang nga nga ninglen, hpa rai laika nchye hti nchye ka ai masha law law naw nga nga ma ta? masha hkum shagu tsun shapraw na ahkaw ahkang nga nga ninglen tsun ai ni hpe htawng hta sharen da ma ta? Mayam n yam na tsun da ninglen hpa rai masha law law wa mayam tai nga ma hka?Shanhte a ahkaw ahkang hpe kadai ni la kau ya sata?
Mahtai gaw: UN kaw nna ka da ai shinggyim ahkaw ahkang tara laika gaw dai zawn re ai ni yawng hpe shalawt na atsam shi hta n rawng nga ai. Dai hpe chye na nna hkan sa ai ni kaw sha dai ahkaw ahkang gaw asak rawng nga ai. Kadai nchye kau sa ta? ahkaw ahkang nlu na re. Kadai ni chye nna jai lang ma ta? shinggyim ahkaw ahkang hte hpring tsup ai hku nga pra lu na re. Shinggyim ahkaw ahkang rap ra lam hpe hkaw tsun nga ninglen asak sum hkrum sai Martin Luther King, Gandhi; Social justice a lam hpe hkaw tsun nga ninglen htawng hta aten law law nga ra mat ai Mandela ni hpe mung anhte ni mu na ga ai. Shanhte tsun ai gaw UN kaw nna tsun ai hte shai ai nrai.
United Nations ni ndai shinggyim ahkaw ahkang hpe gara kaw na lu la ma hka? kadai ka shangun ai ta? hpa rai dai hku ka da ra ma ta? Ndai shinggyim ahkaw ahkang a lam tsun tim lachyum hkrak nchye na yang kaning di hkam sha lu na ta ngu ngai bai myit yu lu nngai.
Mungkan nnan lat shinggyim masha nnan prat ai ten hta shinggyim ahkaw ahkang ngu ai mi nga na nrai. Grang da kat lu ai wa, yawng hpe dang ai wa chyu sha ndai ahkaw ahkang hpe lu la na masai. Dai majaw, du tai ai ni, ningbaw ningla galaw ai ni shinggyim ahkaw ahkang hpe hpring hpring; nkau mi she jan hkra jai lang nga ma ai nhten!
Labau hpe gawn yu yang, Cyrus the Great (BC 559-530), Neo-Babylon Empire, Median Empire, Lydian Empire hpe dang manga kau ai hpang, dai Empire ni a mayam ni yawng hpe shalawt dat sai sha n ga, dai mayam ni ra sharawng ai nawku htung hpe nawku lu ai ahkang hpe jaw ai zawn re ai labau gaw Human Rights hpe shangai dat ya sai ngu yang jaw na kun?
Mabyin gaw galu la ai shinggyim prat labau mahkrum madup kaw nna lu la ai mahtai Human Rights rai ang sai. BC 27 kaw nna Roma ni a mungkan chyam majan gasat hkawm let shinggyim masha ni a shingra tara byin da masa a shingkang shingwang npu e nga pra nga ai lam India, Rome kaw mu lu masai.. Dai hpe 'Natural Law', ngu chye na mu ai. Ndai Natural Law gaw Natural Rights hpe mu shangun nna, ndai Natural Rights gaw Human Rights hpe hkrang shapraw na n gun kaba byin wa sai. Raitim, Human Rights byin wa lu na matu lahta e tsun ai asak sum jam jau hkam nna hkaw tsun ai ni, WW II a mahtai, Sinna mungdan ni a woi myit jasat ai shinggyim nga pra mahkrum madup ni kaw nna ndai Human Rights hpe dai daw da sai ngu yang tara na a ni?
Nkau mi Israel ningbaw Nethanyahu hte hpawn American fundamental christian ni gaw Chyum Laika kaw na Karai Kasang a hpan da ai lam hpe hkrang shapraw ai 'yawng hpe maren hpan da sai' ngu ai kaw na byin wa sai nga nna mung hkai tsun sakse hkam nga ma ai. Hpa mi rai rai, ka masat dai daw da sai ndai Universal Human Rights Declaration hpe sha pyi asak rawng nna hpung shingkang hte hpring tsup wa hkra jawm n gun dat ai rai yang, kaning re ai shinggyim wuhpawng hpe mu lu na ngu anhte ni myit sawn lu na ga ta?
The folloqing is the United Nations Universal Declaration of Human Rights in Brief
1. We are all born free and equal
2. Don't Discriminate
3. The Right to Life
4. No Slavery
5. No Torture
6. You Have Rights Wherever You Go
7. We Are All Equal Before the Law
8. Your Human Rights are Protected by Law
9. No Unfair Detainment
10. The Right to Trial
11. We are Always Innocent Till Proven Guilty
12. The Right to Privacy
13. Freedom to Move
14. The Right to Seek a Safety Place to Live
15. Right to a Nationality
16. Right for Marriage and Family
17. The Right to Your Own Things
18. Freedom of Thought
19. Freedm of Expression
20. The Right to Public Assembly
21. The Right to Democracy
22. Social Scurity
23. Workers' Rights
24. The Right to Play
25. Food and Shelter for All
26. The Right to Education
27. Copyright
28. A Fair and Free World
29. Responsible
30. No One Can Take Away Your Human Rights.
No comments:
Post a Comment