Chyum Laika hta Karai Kasang a Mungga rawng ai

Sasana sara ni, chyum Laika gaw Karai Kasang a mungga majing re, nga nna kam sham wa ai ni hpe Yawhan laika daw kaba 1 hta shamyet nna sharin ya masai. Dai msajaw, Chyum Laika gaw Karai Kasang a mungga majing re ngu nna hpung masha ni matut manoi chye na mat wa nhtawm, Hkristan ni a hkam la ai makam tai wa sai.

Kaja wa Chyum Laika gaw Karai Kasang a mungga nrai nga ai. Raitim, Karai Kasang a mungga lawm ai laika buk rai nga ai. Chyum laika buk hta lawu na zawn nbung ai sharin achyin lam ni nlaw htum 400 jan rawng nga ai. Lawu na chyum ga ni gaw  dai zawn nbung ai  daw nkau mi hpe sha tang dan mayu nngai.  Gara madaw shut ai ngu na kun? Lahkawng yan jaw ai ngu na kun? Karai Kasang gaw dai hku shut chye a ni (or) Karai Kasang gaw nhti nhtang tsun chye a ni? ngu ai hpe  dinglik yu ma nga ai.

1. Karai Kasang gaw aten shagu hta shara shagu e nga nga ai. (Ga shagawp 15:3; Sh.k 139:7-10; Yoba 34:23,24)

2. Karai Kasang gaw aten shagu hta shara shagu e nnga ai. (N.N 3:8; 11:5; 18:20,21).

3. Karai Kasang gaw masha a myit ni hpe chye ya nga ai (Kasa 1:24; Sh.k 139:2,3)

4. Karai Kasang gaw masha a myit hpe nchye ya lu ai (Tara jahprang 13:3; 8:2; N.N 22:12).

5. Karai Kasang gaw yawng hpe dang di lu ai (Matt 19:26; Yer 32:27)

6. Karai Kasang gaw yawng hpe ndang di lu ai (Tara agyi 1:19)

7. Karai Kasang gaw n galai shai ai wa re (Yaku 1:17; Malahki 3:6; Ezekia 24:14; Buhkawm 23:19)

8. Karai Kasang gaw galai shai nga ai (N.N 6:6; Yona 3:10; 1Samuel 2:30,31; 2Hkawhkam 20:1,4,5,6, Pru 33:1,3,14,17)

9. Karai Kasang hpe tam ai ni sha mu na (Matt 7:8; Ga shagawp 8:17).

10. Karai Kasang hpe tam tim nmu lu ai (Ga shagawp 1:28).

11. Karai Kasang gaw majan gasat ai wa re (Pru 15:3;  Esai 51:15)

12. Karai Kasang gaw simsa lam a madu she re (Roma 15:33; 1Kor 14:33)

13. Karai Kasang gaw mazut ai, matsan ndum ai, jahten sharun ai hte majan du re (Yeremia 13:14; Tara jahprang 7:16; 4:24; 1Samuela 15:2,3; 6:19)

14. Karai Kasang gaw kaja nna matsan dum lama ai wa re (Yaku 5:11; 1Hkawhkam labau 16;34; Ezekea 18:32; Sh.k 145:8; 25:8; 1Timo 2:4; 1 Yawhan 4:16).

15. Karai Kasang gaw masha sat nna shi hpe hkungga nawng na hpe ra ai (N.N 22:2; 2Samuela 21:8-9,14; Tara agyi 11:30-40).

16. Karai Kasang gaw masha hkungga shi nra ai (Tara jahprang 12:30-31;

17. Karai Kasang galoi n masu ai (Hebre 6:18)

18. Karai Kasang masu na lam tam nga ai (2 Htesaloni 2:11; 1Hkawhkam 22:23; Ezekea 14:9).

19. Karai Kasang gaw langai sha re ai wa re (Tara jahprang 6:4)

20. Karai Kasang gaw langai sha nre, law law re (N.N 1:26; 3:22; 18:1,2,3; 1Yawhan 5:7)