Democracy hte Myen Mung Masa (Democracy and Myanmar )

Democracy ngu ai a madung nam nak hpe, English hku lawu na hte maren shawng shaleng mayu nngai.

1.The basis of Democracy is based on secularism. Secularism that allowed the person to be freed; free to live, free to choose, free to express, free to work as long as you are not breaking the laws, all laws.

2. The fundamental of the Democracy is freedom and liberty. We all born free, all born equal. The community should accept all human being as equally regardless of nationality, color, religion, men and women, children and aged.

3. There can not be or would not be establish the Democracy in the country where the religion doctrinal is influenced, patriotism and nationalism is occupied. And Democracy cannot brings into the country by outsiders, the West or white people rather establish by own understanding, in practice and follow daily bases created by own accord.

Lahta na lam ni yawng hpe sawn maram yu ga. Hpa majaw Democracy lu yak nna  Mungdan nkau mi hpa rai nra sharawng ma ta? Kaning di nna Democracy hpe lu la mai na a ta? Democracy ngu ai a shingdu kaw hpa baw mayak kan dang ni jung dau la nga a ta? etc...

Tara Upadi hpe hkan nna ndut ndang nga mu nga mai sak hkrung lam hparan lajang la ga ngu yang mung, hpa tara ni gaw anhte hpe or mungdan masha yawng hpe makawp maga lu hkra ka lajang da sai kun?. Masha a ahkaw ahkang hkum tsun sa, mungdan a hpaga yumga lam hpe makawp maga ai tara pyi nhkum tsup madawm shi nga ai majaw, kaga mungdan ni kaw na Company ni sa du bungli hpaw na yak la nga ai ten naw rai nga ai.

Secularism hta npawt jung ai sak hkrung lam ngu yang, masha shagu tinang a ningmu hte sak hkrung nga pra gwi sani? Kanu Kawa, kahpu kanau, makyin jinghku ni hpe hkrit hkungga ai hte shanhte hpe madat mara ra ai; dum nta masha hpe tinang a salu salat hkrat let lit la bau maka ra ai lam ni gaw anhte a htunghkring zawn rai nna, shingre ai htung hkring law law hpe nmat mat hkra mung anhte makawp maga nga ga ai.Dai rai yang anhte a manu dan ai htunghkring ni gaw Democracy lam nmaw de man yawng nga ai kun?

Mungdan langai gaw tara Upade kaw nre sha, htunghkring nga sat nga sa hpe madung tawn ai rai yang secularism ngu ai byin lu na a ni? Tinang a baw nu atsam marai nyan hta tsap nna sak hkrung lam hpe shading sharai gaw gap la ai lam byin lu na a ni? Nta masha yawng hpe marai langai e mada mara bau maka hkam la nga ai rai yang, nta masha yawng equal ngu ai rap ra ai ahkaw ahkang byin pru wa na a ni? Ndai lam ni gaw Islam nawku htung, Muslim htung hkring ni hta chye na yak nga ma ai.

Anhte a community ni hta amyu n ginhka, hpraw chyang n garan, nawku htung n jahta ai shinggyim sha manu hpe madung tawn nna hpawng de nga lu saga ni? Animal kingdom ngu ai, amyu langai hkrai san, ga langai hkrai shaga, nsam langai hte nga ai hpe yawng gaw ra marit nga ai hkrai nrai ni, raitim mungakan a shingra maka gaw dai hpe shingdu gayin kau sai. Anhte a sak hkrung lam hpe hpa baw nam nak hte gara joi jang e shen dingdaw nna sak hkrung hkawm sa ra na saga ta?

Myen mung a masa hpe yu jahproi dat yu ga...Democracy ngu ai gaw shinggyim ahkaw ahkang re ngu ai hta lai, kade sung dam hkra chye na hkawn hkrang nna sat lawat myit jasat ni galai shai wa sai kun anhte ni maram lu na ga ai. Democracy gaw, anhte a kun dinghku, jawng, Sunday School, marai hkum shagu a kanawn mazum tsun shaga ai hte myit mang ai ni hta npawt nga ai nrai ni? 
Grau nna minority shing nrai ethnics ni a gam maka gaw Democracy lu tim, nlu tim shai lak lai ai nau nnga na sha re. Democracy lu ai hpang mung, ahkaw ahkang gaw tara Upade hte galai la ra sai. Dai ahkaw ahkang hpe masha law malawng ra sharawng ai or akyu nga ai hpe npawt tawn ra sai. Dai majaw, nchye ai, nkung ai, nlu ai, n gwi ai, ma hkra gaw minority ngu ai de bai gayin du wa na sha re. Minority ni a ahkaw ahkang gaw, ndut ndang sak hkrung lu ai raitim, kum da ai shangwang kata kaw nga ra ai. Masat da ai mai wang kaw rawng ra ai. Dominant byin wa lu na a ni? 
Raitim, Democracy lai ngu ai hta grau kaja ai shinggyim ahkaw ahkang anhte kaga nlu shi ga ai.