Dut kau hkrum sai Hkristmas (Christmas has been sold)

Hkristan ni a 'Hkristmas' gaw ndai prat hta dut kau hkrum sai. Nawku jawng de sa gawan hkawm yang, katsi katsang rai nga ai. Gat seng shagu, shopping mall shagu hte lu sha seng ni, internet hte blogs ni hkan she Hkristmas poi a namchyim hpe na lu, mu lu, hkam sha lu na sai. 
See bumsinwakachin.blogspot.com

Ndai lam ni a majaw, dusat ni hta lai nna, shinggyim masha yawng a matu Hkristmas rai nga sai. Raitim, Yesu a lam grau nna ndau shana dan lu sai kun ngu ai gaw ga san san ra wa sai hte lachyum sung sung bai htai yu ra sai. Raitm, ndai hku byin wa ai lam mung nmau ra na re ngu moi shawng na lam ni hpe mung dum shangun mayu ai. A.D 337 a hpang e she byin wa ai ndai Hkristmas gaw  Constantine a version ngu yang mung nshut na re. Raitim, dai version gaw akyu nga ai re majaw tsaw ra hpa mung byin nga ai.

Santaclaus a lam mung dai hte maren sha re. St. Nicholas of Myra (340c) gaw December (6) ya du shagu ma ni kaw sa nhtawm kumhpa ni sa garan nna, Yesu Hkristu hpe Karai Kasang nan anhte yawng hpe jaw ya sai kumla hpe madun dan lai wa sai. Ndai hpe Dutch ni hku nna St. Nicholas htunghkring (Sinter Klass, hence 'Santa Claus') ngu nna America, Amsaterdem ya na New York de du mat wa sai. Kade nna ai sha gat lawk de du wa sai rai nna British Santa byin wa sai hte Hkristmas a kawa ngu ai mying lu mat sai. 

Kadai nnyet lu ai, Hkristmas gaw lu lawm ai ni a matu re. Hkristan ni mung Nawku jawng kaw sha galaw ra ai ngu ai mung nnga ai hte maren, Hkristmas du jang U, Wa, gumhpraw ma ai gaw teng sha re. Kumhpa mari jaw ra ai htunghkring mung jat wa sai. Wenyi atsam mung lu, n gun atsam mung lu rai nna Holiday mung na na lu re ai aten ahkying ladaw nhtoi re majaw hkungga ging, jahpu ging nga ai, manang ni hpe mung ndai ten hta dum ging ai, shakram ging ai, hkrum shaga ging ai nrai ni??????