Kadai Mung Nchye Na Kau Dat Ai Hkristu

Daw 6

Karai Kasang a mungdan hte Kabu Gara Shiga

Mundan ngu tsun yang, ndai mungkan hpe shingran mu shangun nga ai. Ndai mungkan mung, Karai Kasang a mungdan hte pu ginrun shadai gindun nga ai. Mungdan langai gaw uphkang ai langai ngai a npu e rai ga ai. Dai majaw, shara law law hta Karai Kasang a mungdan a lam tsun shagu, ndai mungkan hte kapyawn nna ga shadawn ni hte tsun dang rang wa mai nga ai. Raitim, chyeju hte seng ai, Chyoipra ai lam hte seng ai, Kabu Gara lam hte seng ai hku nna, makam masham a ningmu hte mung naw mu mada mai nga ga ai lam Kabu Gara Shiga hku nna mu lu na ga ai.

Nawku hpung hta, Kabu Gara Shiga hpe hkaw dan ai shaloi, Karai Kasang a mungdan hte seng ai lam kade wa na lu ga ta? Shi anhte hpe kaja wa dai lam hkaw dan shangun nga ai nrai ni?

Hkye hkrang la ai lam chyawm gaw anhte ni jahkring hkring na ga na ga ai. Grau nna kasa Pawlu gaw makam masham hte kapyawn nhtawm galoi mung tsun ndau nga ai. ‘Makam masham a marang e, chyeju hte sha, nanhte hkye hkrang la ai hkrum manit dai’ (Ehpesu 2:8; 2Korin 2:15; Roma 5:9; 1Yawhan 5:11-12).

Karai Kasang a dinghku hta (or) shi a wuhpung hta shang lawm ai lam, shi a mungdan hta shang lu ai hte maren sha nrai ni? Raitim, Kabu Gara Shiga hku nna gaw Yesu Hkristu hku nna sha, dai hta shang lawm lu na lam tsun nga ai. Yesu tsun ai, ‘kang hta ai ni hta shawa num ni gaw nanhte a shawng e Karai Kasang a mungdan hta shang shang rai ma ai’ (Mahte 21:31). Yawhan zawn dinghpring ai hte du sa ai ni nrai, kam sham ai ni shang lu na lam shaleng dan nga ai (kaji 32). Ginchyum dat nna yu ga nga yang, Karai Kasang hpe kam sham ai lam gaw madung rai nga ai. Kam sham ai lam gaw Karai Kasang a dinghku masha tai ai lam hte kapyawn nga ai.

Hta ni hta na asak hte Karai Kasang a mungdan lam gaw shai a ni? Marku daw kaba 10 hpe yu yang, hta ni hta na asak a lam Yesu htai dan nga ai. Tara hpe hkan na lam, dai hpang lu malu yawng hpe gam jaw gam ya na lam rai nga lu ai. Ndai hku nlu galaw ai ni a matu, sumsing mungdan hte hta ni hta na asak a lam hpa baw naw myit mada shara nga na a ta? (kaji 23). Shaloi gaw kadai ni sha hkye hkrang la ai de du lu na ta? Karai Kasang sha dang di lu ai lam Yesu bai htan ya nga ai (kaji 26). Yesu shi nan Karai Kasang re ngu kam sham ga yang, hpa rai dai lam nchye ai hku htai sai kun? Kabu Gara Shiga gaw anhte hpe gara de woi sa wa nga a ta?

Luke 18:18-30 hta, Hparashe ni a ga san hpe na lu ga ai. Raitim, Yesu shi kaw hkan na hpe sha tsun nga ai (kaji 21). Dai majaw, hta ni hta na asak mi rai rai, sumsing mungdan lam mi rai rai, Yesu kaw hkan nang ai ni chyu sha shang lu na lam Shi a kabu gara shiga rai nga lu ai. Dai rai yang, Hkristan ni gaw, shi a hpang hkan ai ni teng rai sani? Shing nrai, shi hpe nawku ai ni rai ni lachyum adan aleng htai dan ra na ga ai.

Luka 12:31-34, Yesu gaw Hparashe law law hpe shading nna, manut hte nhkan e nsha mai ai sut gan jahting na lam, sut gan nga ai kaw tinang a myit masin mung nga ai lam tsun nga ai. Rai yang, sumsing mungdan gaw myit masin hte sha seng a ni? Shi a kabu gara shiga hkaw hpang wa ai ten hta shi tsun nga ai, Karai Kasang a mungdan gaw na a myit masin hta rai nga ai, nga ai. Ndai lam ni a majaw hkye hkrang la ai lam hpe mu lu na rai nga ai (Luke 21:30).

Kasa Pawlu tsun ai gaw, Karai Kasang a mungdan hte hkye hkrang la ai lam gaw matut nga ai nga ai (Kasa 20:21-22). Hkye hkrang la ai lam mung, myit malai ai hta madung rai wa sai. Ndai lam gaw du na ten hta hkam la na shaman chyeju hte seng nga ai. Dai lam ma hkra gaw Yesu a wudang lam hte matut nga ai lam (IKorin 2:2) hta mu lu na ga ai. Kasa 28:23, 29,31 hta Pawlu gaw, Karai Kasang a mungdan hte hkye hkrang la ai lam hpe hkaw tsun wu ai nga nna Luke laika hta rawng nga ai...