Ethnic minority တိုင္း ရင္း သား rai nngai ngu ai ga hpe shachyen shaga ai shaloi rai rai, laika ka ai hkan rai rai, tsun shaga ai ten hta mi rai rai anhte Jinghpaw Wunpawng Amyu masha ni lang gring nga a ni?
Kaga amyu ni tsun bun ti pyi, tinang amyu gaw dai hku bai ntsun gring ai nrai ni? Wunpawng amyu re – ကခ်င္ လူမ်ဳိး re, Kachins re ngu ai hta lai hpa rai 'Ethnic' ngu ai ga hpe naw lang nga ra na ta? Ethnic ngu ai ga hpe laika hti ai wa gara hku lachyum htai nna shaleng lu nni?
Amyu langai ngu nna nga ai ni chyu sha, naw kaji kadun nga dam tim lani mi tinang a mungdan lamu ga amyu hpe gaw gap la lu na nrai ni? De a majaw, kaji kawa kahpu kanau ni law law asak sum zingri hkrum masai. Ethnic ngu ai ni dai hku galaw la lu ga ma ni? Ethnic ni gaw, mungdan nkau mi hta mu lu ai hku nga yang, mungdan kaba hta shingbyi nna sak hkrung nga ai amyu kaji rai nga ai. Shanhte a matu ahkyak ai lam ni gaw, htunghkring hpe ntat hkra mahkyu da na, madu ga hpe nmat hkra shaga shakut na, kaji kawoi ni a hkring htawng hku bu hpun sumraw na hte wuhpung hte wuhpung rai ginjup nna hpawng de nga na hta lai, mungdan gaw gap la lu ai nrai.
Jinghpaw Wunpawng Amyu sha ni mung, myen mung hta nga ai ethnic langai teng rai ga yang gaw, dai hku sha galaw nga ra na re. Shinggyim ahkaw ahkang mung du hkra ladaw zawn anhte a ntsa nip la nip la rai nga na re. Mungdan hpe mung bai madu la lu na nre sha n ga, Wunpawng amyu Ethnic ka manawt ni, madum sumpyi, bu hpun sumli lam hpe shareng nna htunghkring hpe madung dat ai sak hkrung lam hte makam masham hpe loi li sha galaw lu ai ahkang lu na re. Nang gaw Ethnic rai nni? gara hku myit ai nta??............
Ethnic hpe gaw amyu kaji ni sha nrai amyu kaba ni mung lang ai ngu mu mada ai. Ga shadawn, census galaw wa ai shaloi ethnic hku nna galaw ma ai. White ethnics nga ai zawn, black ethnics ni mung nga ai, dai hte maren kaga ethnics ni mung law law nga ai hku re. Ngai hku nna gaw ' Ethnic Minority People' ngu na malai 'Minority ethnic people' ngu nna tsun shaga la ai gaw grau kaja na re ngu mu mada ai.
ReplyDeleteNdai kaw tsun mayu ai Minority and Ethnic gaw gender, religious, age hpe tsun mayu ai nre; social and political view hku 'disability' byin ai ni ngu ga. Hpaji hku mung, hpyen masa hku mung, working or employer level hku mung, rights hku mung Myen hte shingdaw yang, myen mung na ethnic rai mat nga ai.Disability byin ai majaw tsun hkrum ai ngu ga. Thanks for your commands xxx
ReplyDelete