Masha Hpan Shi Kru (Sixteen Personality Types)

Part II

Shawng daw hta Myers Biggs Type Indicator [MBTI] hpe kadun ai hku ntsa lam tsun da sai. Ndai daw hta gaw loi mi kata lam bai sawk yu ai daw de rai na sai.
Nbung hkat ai ga si lahkawng hkawng hpe ka madun da ngut sai re. Dai ni gaw:

1. Extraversion (E) hte Introversion (I)
2. Sensing (S) hte Intuition (N)
3. Thinking (T) hte Feeling (F)
4. Judging (J) hte Perceiving (P) ni rai nga ai.

(E) ngu ai masha ni gaw, masha kaga hte n kanawn yang nnga lu na daram re. Kaga hte hkrum ra ai kanawn mayu ai, hku hkau mayu ai. Dai hte maren (I) ngu ai masha bai rai jang tinang hkrai nga mayu ai, masha kaga hte shuk shuk shak shak gayau kaya nau nkam ai. Dai majaw nbung hkat ai yan ngu nna tsun ai re.

(S) ngu ai masha hpan mung, hpa hpe raitim details, practical, facts ngu ai kam ging ai ginjang langai ngai nga jang she hkap la chye ai masha hpan rai nga ai zawn, (N) ngu ai hpan mung, myit sawn yu ai [imagination] du wa na hpe tau hkrau myit sumru ai [Future], galai shai ai hpe tsaw ra ai [change] ni lawm nga ai.

(T) ngu ai hpan mung, galoi raitim baw nu hte sawn dinglik yu ai, yaw shada ai lam tawn ai, [objective, justice, cool, impersonal, anaylyse, principle] ni lawm nga lu ai. Dai hte maren, (F) ngu ai hpan gaw, tinang kaw nna hpang nhtawm bungli hpang mayu nga ai. Hkam sha ai, lanu lahku ai, de n gun dat nga ai, [heart, subjective,harmony, caring, personal, values] ni hpe madung nga ai.

(J) ngu ai hpan mung, hpa hpe raitim hkrak hkrak galaw mayu nga ai. [Judgment, organised, structure, control, decisive, plan productive] ni hta n gun dat nga ai. dai hte maren, (P) hpan bai rai jang, hkrum hkrum ra ra, dan dan dawng dawng, kaja ai hku chyu hkap la mayu nga ai,[flexible, flow, openness, spontaneous] hpan rai nga ai.

Raitim, masha hpan ndai ni gaw sharin la chye chyang wa ai hta hkan nna, type ngu ai galai mat wa chye ai. Ga shadawn: myit machyu chye ai kyang kaw nna, yawng hpe tau hkrau myit ya chye ai de gale du wa lu nga ai. Dai majaw, chye da nna hkaja jang gaw masha shagu a kyang lailen ni hpe jashai la lu nga ai.

Masha hpan garan nna chye lu ai gaw hpaji ninghkring ni a sak hkrung lam hpe shingkang jat ya nga ai. Karai Kasang kaw na Gifts ngu ai shaman chyeju mung ndai masha hpan hta hkan nna kaning re ai masha gaw hpa baw amu hta shaman chyeju hkam la mai ai lam dan leng wa lu nga ai. Ga shadawn: Introversion ngu ai tinang a lam hpe grau myit ai wa gaw hpaga yumga hta maji na hte mahkawng na, amyat myit na gaw ang nga sai. Raitim, hpaga ga ai hta Extraversion ngu ai kaga ni hpe madung dat ai rai jang gaw Introversion hte loi mi shai ai lam nga na rai nga ai. Dai rai yang, kaning re ai masha hpan gaw hpaga yumga hta htuk manu dik rai na ta? gara mung htuk ai ngu ga, ginra masa hte makau grup yin hta mung bai yu rai yang, grau htap htuk ai wa hpe shi a shara hta hkan nna, galaw shangun ra na ang nga ai.

Makam masham hta nga yang, Introversion ni gaw Sasana galaw yang gara hku galaw na a ta? dai hte maren Extraversion gaw tara hkaw yang hpa baw ga baw ni hpe grau mahta nna hkaw chye na a ta? sara nkau mi hkaw ai mungga ni hpe shingran yu yang ndai lam ni grau dan leng na re. Malawm magawm hkaw ai ni gaw galoi mung dai hku hkaw chye nna, nau wa ndam lada ai hku chyum laika hpe madung tawn ai ni gaw galoi mung dai hku hkaw chye ai. Dai majaw, Wenyi hta n gun dat ai ni hte Social ngu ai amyu lam, kanawn mazum lam hten na tsang ai sara ni a tara hkaw ai lam ni mung galoi riatim dai ga manaw hte sha hkaw chye nga ma ai, ngu ai lam ni hpe sawn yu, dingdaw yu lu na matu ka matsing da nngai law....