Bum Ntsa Na Tara Hkaw Ga

Mahte 5:3-8

Alu ai Tara

3. Mahte 5:5; Shkkd 37:11

Myit sumnung ai ni gaw alu ma ai; kaning rai nme law, shanhte mungkan ga hpe madu lu na mara ai.

Sumnung ai ngu ai ga gaw, matsun maroi hta mi na hkrang naw rawng ai ni ngu ai re. Sum gaw ntsa de hte seng ai, nung gaw myit re. Dai majaw, sumnung ai ni mungkan ga hpe madu lu na ngu ai shaloi, mi moi ndai dinghta ga de garai n yu sa yang na myit, mahtum mahta ga e naw nga yang na myit (Kasa Pawlu zawn myi san mat ai, mi na de nhtang mu mat ai) zawn re ai hpe tsun ai. 

Dai majaw, mi na hkrang raw rai nga shakut taw ai ni sha ndai mungkan ga hpe madu lu na re lam ndau ai re. Matsi bang nna shawawm katut, tsing gat nna gayau katut, shinggyim myit majing rawng mat re ai ni a matu nlawm na lam rai nga ai. Mi na ngu ai shaloi, anhte gaw ntsa de na ndai mungkan ga de amu galaw na yu ai ni re ngu yin la chye mung ra nga ga ai. 

Hkristan tai ai shaloi, mi na myit rawng wa a ni ngu san na lam gaw nga ai. Kaja nga yang, Hkristan ngu tai wa ai ni yawng gaw, Karai Kasang a kashu kasha ni kaw bang da ai sai hpe shaw ai sai shadip a npu na ni re majaw, mungkan ga nre ai sha sumsing lamu a mungdan gaw shanhte a rai nga ai. 

Mungkan ga ngu ai shaloi, ndai ginding aga hpe sha tsun ai nrai nga ai. Universe langai  mi rai nga ai. Solar system ndai ting (shing nrai) nbung nga ai npu ting hpe tsun ai. Lamu mung lawm ai. Ndai ting hpe madu lu na ni gaw, mi moi na rawng nga ai myit (sum nung) ai ni sha madu lu na re ngu ai hpe ndau ai ga re ai. 

(Bum ntsa na tara hkaw ga gaw, shinggyim masha hpe sha tsun ai nre. Wunawng wuwa, shawa daw tsa hte mu lu ai hte nmu lu ai, dusat hte nhprang hpun kawa hka shi hka nu pang lai nbung yawng na chye lu na ma tu hkaw tsun hpang ai shawng na Hkristu a ndau ga re ai).