G20 Zuphpawng Ginchyum $ 1 trillion

Mungkan a ningbaw ningla ni mungkan mungdan (20)G20 zuphpawng hpe London mare kaba hta dai ni hte lahkawng ya galaw la lu masai rai nga ai. Ndai zuphpawng gaw laning mi hta kalang galaw ai zuphpawng rai nna du na shaning gaw South Korea de ang na hku rai nga malu ai. G20 nga jang G7, G8, G12 ni hte gara hku shai ai lam mung chye mayu na re.

G7 gaw galu kaba sai mungdan ni, America, England, Japan, Franch, Italy, Germany kaw na gumhpraw dum daju ni hpawng ai zuphpawng rai nga ai. 1976 ning kaw nna hpang dat sai rai nga malu ai. G8 hta gaw mungdan ningbaw ni sha hpawng ai rai nna Russia bai shanglawm jat dat ai rai sa. G20 gaw gumhpraw dum daju ni hte gumhpraw hkoi shap ai hpung, mungkan gumhpraw dum daju asuya ningbaw ni rai nna hpawng ai rai nga ai. Ndai hpung hta lawu na n gun ja sai mungdan ni shang lawm ai hpung rai nga ai.

* Argentina
* Australia
* Brazil
* Canada
* China
* France
* Germany
* India
* Indonesia
* Italy
* Japan
* Mexico
* Russia
* Saudi Arabia
* South Africa
* South Korea
* Turkey
* United Kingdom
* United States hte European Union mung lawm ai. Raitim kahti galai lit ang ai ningbaw ni sha shang lawm ma ai.

Dai ni gaw ndai G20 a zuphpawng kaw nna lawu na lam ni hpe daw dan dat masai rai nga ai. Zuphpawng hpe hkap la hkinjawng ai UK mungdan a hkringmang daju Gordan Brown kaw nna lawu na lam ni hpe ndau shana dat sai.
Mungkan gumhpraw mayak chyam chya manghkang hpe hparan jasan dat lu na matu Budget $ 1 trillion hpe jahkrat na myit hkrum dawdan dat sai nga ai.

$ 500bn gaw IMF a shangpru hkoi gumhpraw gahkrang lu na matu
$ 250bn gaw World Trade hpaga hpung hta gahkrang lu na matu
$ 250 gaw IMF ni a jai kau ai bai kapa lu na matu
$ 100bn gaw matsan mungdan ni hkoi lang lu na matu
$ 6 bn hpe IMF ni a Ja dut nna matsan mungdan ni de matut hkoi ya lu na matu
ni rai nga malu ai. Zuphpawng hta bawngban kanyet ai nhti nhtang dang rang nna ningmu gayau dat ai shaloi lahta na mahtai hpe shapraw la lu sai rai nga malu ai.